DEUTERONOMI 6:6 - Lai (Hakha) Common Language Bible 2006

⁶ Cun nihin ah kan pekmi bia hi na lung chungah na riahter lai i

DEUTERONOMI 6:6 Խաչաձեւ Հղումներ

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

PHUNGTHLÛKBIA 7:3

Na kutdong ah i khih hna law na lung tlap ah i ṭial hna.

DEUTERONOMI 11:18

“Cucaah hi ka bia hna cu nan lung chung le nan ruahnak chungah nan khumh hna lai i, nan kut ah chingchiahnak caah nan khih hna lai i, nan mit le nan mit kar i hmelchunhnak caah an si lai.

SALM 37:31

A Pathian nawlbia kha a lung chungah aa chiah i zeitikhmanh ah a kaltak lo.

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

DEUTERONOMI 32:46

annih sinah, “Nihin ah ralrinnak bia kan pekmi hna vialte hi nan lung chungah i chiah tuah u. Hi phungbia chung bia vialte cu, ṭha tein an tuah nakhnga, nan fale kha nawl pe hna u.

SALM 119:11

Nangmah cungah sualnak ka tuah nakhnga lo na nawlbia cu ka lung chungah kaa chiah.

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

LUKA 8:15

Vawlei ṭha ah a tlami thlaici cu bia kha lungtho tein a thei i an lung chungah ṭha tein aa cinken i a thei a tlai tiangin aa zuammi cu an si,” tiah a ti.

PHUNGTHLÛKBIA 3:5

Bawipa kha na lung chung dihlak in i bochan law Nangmah fimnak kha i rinh hlah.

LUKA 2:51

Cuticun Jesuh cu an sinah Nazareth khua ah khan a kir i a nu le a pa kut tangah nawl ngai tein a um: Hi thil vialte hi a nu nih a lung chungah aa ken dih.

SALM 119:98

Na nawlbia nih a ka umpi zungzal i ka ral vialte hna nakin a ka fimter deuh.

SALM 40:8

Ka Pathian, zeitluk in dah na duhnak tuah cu ka duh! Na cawnpiaknak cu ka lung chungah kaa chiah hna,” tiah kan leh.

2 JOHAN 1:2

zeicahtiah biatak cu kan chungah a hmun i kan sinah a um zungzal lai.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

2 SAMUEL 22:23

Zeitintiah a phunglam vialte cu ka hmaiah an um i A nawlbia hna kha ka pialtak bal hna lo.

DEUTERONOMI 11:20

Cun nan innka tung hna le nan kutka hna cungah nan ṭial hna lai,

SALM 119:13

Na kan pekmi nawlbia vialte cu, fak piin ka chim lengmang hna lai.

SALM 119:30

Na nawl zulh awkah ka lung kaa thlek cang; na phunglam kha ṭha tein ka ruat hna.