DEUTERONOMI 6:4 - Lai (Hakha) Common Language Bible 2006

⁴ “Thei hmanh, maw Israel: Bawipa hi kan Pathian a si, Bawipa lawnglawng hi;

DEUTERONOMI 6:4 Խաչաձեւ Հղումներ

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

1TIMOTE 2:5

Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 10:30

Ka Pa le keimah cu pakhat kan si,” tiah a ti.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 42:8

“Keimah lawnglawng hi Bawipa na Pathian cu ka si. Ka sunparnak hi pathian dang ahohmanh hrawm ka duh hna lo i ka thangṭhatnak hi siasal zeihmanh hrawm ka duh hna lo.

1 CHANRELNAK 29:10

Cucaah David nih Bawipa cu aa pummi vialte hmaiah cun a thangṭhat i David nih cun, “Maw Bawipa, kan pu Israel i Pathian, nangmah cu zungzal thluangthluan in thangṭhat na si ko.

1 SIANGPAHRANG 18:21

Cun Elijah cu mi vialte pawngah khan a ra i, “Zei can dah bei lengmang in ruahnak pahnih he nan kal lai? Bawipa cu Pathian a si ahcun, amah cu zul u; sihmanhsehlaw Baal cu Pathian a si ahcun, amah cu zul fawn ko u,” tiah a ti hna. Mi zapi nih cun bia kaa khat hmanh an let lo.

DEUTERONOMI 5:6

“ ‘Keimah cu Bawipa na Pathian, Izipt ram, sal sinak inn chungin an chuahpitu ka si.

2 SIANGPAHRANG 19:5

Hezekiah Siangpahrang salle hna cu Isaiah sinah an rat tikah

MATTHAI 22:37

Jesuh nih cun, “‘Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,’

LUKA 10:27

Mipa nih cun a leh i, “ ‘Bawipa na Pathian cu na lungthin dihlak le na nunnak dihlak le na thazang dihlak le na ruahnak dihlak in na dawt lai i na innpa zong kha nangmah naa dawt tlukin na dawt lai,’ a ti,” tiah a ti.

ROM 3:30

Pathian cu pakhat pei a si cu, Judah mi cu an zumhnak thawngin amah he cun a remter hna lai i Jentail mi zong cu an zumhnak thawng in a si ṭhiamṭhiam ve ko lai.

EFESA 4:6

Pathian cu pakhat lawng a si i amah cu mi vialte Pa, zeizong vialte Bawi, zeizong vialte chungah rian a ṭuan i zeizong vialte chungah a ummi a si.

JEIM 2:19

Pathian cu pakhat lawng a si ti nan zumh. A ṭha ko. Khuachia zong nih cucu an zumh ve ko — an zumh ve ko i an ṭih caah a ther in an ther.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

2 CHANRELNAK 17:9

Cun Judah ram chungah khan Bawipa phungbia cauk kha an i put i an cawnpiak hna; Judah ram chung khua vialte kha an ṭol i mi kha an cawnpiak hna.

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

SALM 78:5

Israel mi kha nawlbia a pek hna, Jakob tefa kha nawlbia a pek hna. Ka nawlbia cu nan fale kha nan cawnpiak hna lai, tiin kan pupa kha a fial hna.

SALM 86:10

zeicahtiah Pathian, nangmah lawnglawng hi a ṭhawngmi na si, nangmah lawnglawng hi khuaruahhar a tuah khotu na si.

ZEKHARIAH 14:9

Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.