DEUTERONOMI 5:14 - Lai (Hakha) Common Language Bible 2006

¹⁴ sihmanhsehlaw ni sarih ni cu Bawipa na Pathian caah sabbath a si; cu ni ah cun nangmah nih siseh, na fapa nih siseh, na fanu nih siseh, na salpa nih siseh, na salnu nih siseh, na cawtum nih siseh, na laa nih siseh, na saṭil zeipaoh nih siseh, na kutka chung i a ummi khual nih siseh, rian zeihmanh nan ṭuan lai lo, zeitintiah na salpa le na salnu hna zong nangmah bangin an i din ve lai.

DEUTERONOMI 5:14 Խաչաձեւ Հղումներ

HEBRU 4:4

Vawlei a rak ser ri khan a rian cu lim a si ko cang nain hi bia cu a chim; zeicahtiah Cathiang nih pei hmunkhat ah ni sarihnak ni kong ah, “Ni sarih ni ah Pathian cu a rian vialte in aa din,” tiah a ti kha.

GENESIS 2:2

Ni sarihnak ni ah Pathian nih a tuahmi thil vialte cu a lim hna i cu ni ah cun rian ṭuan loin a um.

EXODUS 23:12

“Ni ruk chung rian nan ṭuan lai, sihmanhsehlaw ni sarihnak ni ah cun nan ṭuan lai lo, nan cawtum hna le nan laa hna cu i din hna seh, cun nan sal hna le ramdang mi hna zong nih hrimhnak ah hmang hna seh.

NEHEMIAH 13:21

Sihmanhsehlaw ralrinnak ka pek hna i, “Zeicahdah kulhnak vampang hmaiah khan nan riah? Cu bantukin nan tuah ṭhan ahcun kan tlaih hna lai,” tiah ka ti hna. Cucaah cu thawk cun sabbath ni ah cun an ra ti lo.

NEHEMIAH 5:5

Cun annih nih cun, “Sihmanhsehlaw kan pum herhbaunak cu midang hna herhbaunak bantuk a si ve ko i kan fale hna cu an fale tlukin a ṭhami an si ve ko nain, kannih tu nih cun kan fale hna cu sal i i can awkah kan hnek lengmang ko hna. Kan fanule a cheukhat hna lebang cu sal ah an cang taktak cang, asinain, zeihmanh kan tuah khawhmi a um lo, zeicahtiah kan lo hna le kan mitsur dum hna cu midang ta an si cang,” an ti.

NEHEMIAH 13:15

Khi caan ah khan Judah ram chungah sabbath ni i mitsur hang an nen i rawl kha tam piin an rak phorh i laa cung i an chuan hna kha ka hmuh; cun mitsur hang le mitsur thei le theipi le thilrit a phunphun, Jerusalem i sabbath ni i an rak phorh zong kha ka hmuh fawn; cun rawl an zuar ni ah cun ralrinnak ka pek hna.

MARKA 2:27

Cun Jesuh nih cun, “Sabbath cu minung caah pei ser a si cu, minung cu sabbath caah ser an si ṭung lo,

LUKA 23:56

Cun inn ah an ṭin i a ruak caah khan zihmui le sathau kha an timh. Sabbath ni ah cun Nawlbia bangin an i din.

LEVITIKAS 23:3

Ni ruk chung rianṭuan a si lai; sihmanhsehlaw ni sarihnak ni ah cun dinh zirziarnak sabbath, pumhnak thiang a si lai; rian zeihmanh nan ṭuan lai lo; nan umnak cio ah Bawipa ca sabbath a si.

DEUTERONOMI 5:13

Ni ruk rian na ṭuan lai i na rian vialte na ṭuan lai;

NEHEMIAH 13:16

Tair mi, khuapi chung i a ummi hna nih khan nga le thilri a phunphun an ratpi hna i sabbath ni ah cun Judah ram mi sin le Jerusalem khua chungah khan an zuar hna.