DEUTERONOMI 4:36 - Lai (Hakha) Common Language Bible 2006

³⁶ Amah nih an chimhhrin hna nakhnga, vancung in a aw cu an theihter hna; cun vawlei ah a mei lianngan cu an hmuhter hna i mei chung cun nannih nih a aw kha nan theih.

DEUTERONOMI 4:36 Խաչաձեւ Հղումներ

EXODUS 19:19

Tuukawng ki muko thawng cu a thang chin lengmang. Moses nih cun bia a chim i Pathian nih khuari in a run leh.

EXODUS 19:9

Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

DEUTERONOMI 4:33

Miphun aho tal nih, nannih nih nan rak theih bang khan, pathian aw cu mei lakin an thei in an nung bal dik maw?

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

HEBRU 12:18

Nannih nih nan phakmi tlang cu Israel mi nih an phakmi tlang, tawngh khawhmi tlang Sinai Tlang kha a si lo; kha tlang ah khan cun a alh hluahmahmi mei le minmei nak pipi le muihnak le ṭotho le

EXODUS 24:16

Sinai Tlang cungah khan Bawipa sunparnak cu a rung ṭum i minmei nih khan ni ruk chung a khuh. Ni sarihnak ni ah minmei chung cun Bawipa nih Moses kha a auh.

DEUTERONOMI 8:5

Cucaah mipa nih a fapa a chimhhrin bantukin Bawipa nan Pathian nih an chimhhrin hna kha nan lung chungin hngal ko u.

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

DEUTERONOMI 4:12

Khi tikah Bawipa nih mei chung khan an chawnh hna; bia thawng cu nan theih, sihmanhsehlaw mui cu nan hmu lo; aw lawnglawng a si ko.

DEUTERONOMI 4:15

“Cucaah ṭha tein i ralring tuah u. Bawipa nih Horeb ah mei chungin an chawnh hna ni ah khan a mui zeihmanh nan hmuh lo caah,