DEUTERONOMI 4:35 - Lai (Hakha) Common Language Bible 2006

³⁵ Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

DEUTERONOMI 4:35 Խաչաձեւ Հղումներ

ISAIAH 45:18

Van cu Bawipa nih a ser hna — amah cu Pathian a si. Vawlei kha a ser i a siam — fekte le saupi nguh in a ser, vawlei cu thetse ram, ram pakpalawng ah a ser lo, minung umnak caah a ser. Amah cu, “Keimah hi Bawipa cu ka si, keimah hleiah pathian dang an um lo,” a titu kha a si.

1 SAMUEL 2:2

“Bawipa bantukin a thianghlim ahohmanh an um lo Nangmah hleiah ahohmanh an um lo; Kan Pathian bantuk lungpi zong an um lo.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

MARKA 12:32

Phungbia cawnpiaktu saya nih cun Jesuh cu a leh ve i, “A ṭha ngaingai, saya! Na chimmi cu a hmaan, Bawipa lawnglawng hi Pathian cu a si taktak i pathian dang zeihmanh an um ti lo.

DEUTERONOMI 32:23

“ ‘Cun an cungah ṭhat lonak ka pon hna lai i An cungah ka thal kha ka hman dih hna lai;

MARKA 12:29

Jesuh nih a leh i, “ ‘Israel mi hna ngai tuah u; Bawipa kan Pathian lawnglawng hi Bawipa a si.

SALM 58:11

Mi nih an i thawh lai i, “Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko,” an ti lai.

2 SIANGPAHRANG 19:19

Cucaah maw Bawipa, kan Pathian, vawlei cung pennak vialte nih, maw Bawipa, nangmah lawnglawng hi Pathian na si ti kha an hngalh naklai, amah kut chung hin kan khamh ko, tiah kan nawl,” tiah a ti.

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

1 KORIN 8:6

sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

EXODUS 8:10

Faro nih cun, “Thaizing ah,” tiah a leh. Cun Moses nih, “Asi, na chim bantukin a si lai, zeicahtiah Bawipa kan Pathian bantuk hi pathian dang ahohmanh an um lo ti kha na hngalh nakhnga,” a ti.

EXODUS 9:14

Atu cu dantatnak vialte kha keimah hrimhrim nih nangmah cung le na bawi pawl cung le na mi hna cungah ka tlunter lai, cu ti in ka tuah lai cu vawlei cung dihlak ah hin keimah bantuk pathian dang ahohmanh an um lo ti kha na hngalh nakhnga caah a si.

DEUTERONOMI 6:4

“Thei hmanh, maw Israel: Bawipa hi kan Pathian a si, Bawipa lawnglawng hi;

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,

DEUTERONOMI 32:12

Bawipa lawnglawng an hruaitu a si i ram dang pathian zeihmanh an i tel lo.

DEUTERONOMI 33:26

“Maw Jeshurun, nangmah bawmh awkah van aa cit, Lianngannak in van aa citmi Pathian bantuk ahohmanh an um lo.

1 SIANGPAHRANG 8:60

zeitintiah vawleicung mi vialte nih Bawipa cu Pathian a si i a dang ahohmanh an um lo, ti kha an hngalh nakhnga.

SALM 100:3

Bawipa cu Pathian a si kha zeitikhmanh ah philh hlah u! A kan sertu cu amah a si i kannih cu amah ta kan si; a mi kan si i a tuurun kan si.

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

EXODUS 8:6

Cucaah Aaron nih cun a ṭhiangṭhunh cu ti cungah khan a hler i utlak kha an chuak ciammam i ram kha a khah in an khat.

2 SAMUEL 7:22

Cucaah nangmah cu na ngan ko, maw Bawipa Pathian; zeitintiah kannih nih kan hna in kan theihmi vialte ah nangmah bantuk an um lo i nangmah hleiah Pathian dang zeihmanh an um lo.

2 SAMUEL 22:32

“Zeitintiah Bawipa dah ti lo cu ahodah Pathian a si? Kan Pathian dah ti lo cu ahodah lungpi a si?

1 CHANRELNAK 17:20

Kannih nih kan hna in kan theihmi vialte ah nangmah bantuk ahohmanh an um lo, maw Bawipa, nangmah hleiah Pathian dang an um ti lo.