DEUTERONOMI 4:3 - Lai (Hakha) Common Language Bible 2006

³ Bawipa nih Baal-peor ah a tuahmi kha nan mit nih a hmuh cang, zeitintiah Bawipa nan Pathian nih Peor i Baal a zulmi vialte kha nannih lakin a hrawh hna;

DEUTERONOMI 4:3 Խաչաձեւ Հղումներ

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

JOSHUA 22:17

Peor i kan sualnak, cu ruang i Bawipa mibu cungah rai a tlun i a thianh hmanh kan i thianh khawh rih lomi kha, kan i za rih lo maw,

NAMBAR 31:16

Zohhmanh, hi mi hrimhrim hna hi Balaam fimchimhnak thawng in Peor kongah khan Israel mi cu Bawipa nawl a buartertu an si, cu caah rai kha Bawipa mibu cungah khan a tlung.

NAMBAR 26:64

Sihmanhsehlaw mah hna lak ah hin Sinai ramlak i Israel mi a rak reltu hna Moses le tlangbawi Aaron nih an rak relmi hna cu pakhat hmanh an i tel lo.

DEUTERONOMI 4:4

sihmanhsehlaw nannih Bawipa nan Pathian fek tein aa tlaihmi vialte cu nihin tiang nan nung rih.

EZEKIEL 20:18

An fale hna cu ramlak ah khan, nan pale zulhmi nawlbia kha zul hna hlah u, an phunglam zulhmi zong kha zul hlah u, an siasal hna zong khan i thurhhnawmh ve hlah u, tiah nawl ka pek hna.

DEUTERONOMI 11:7

zeitintiah nan mit nih Bawipa nih rian ngan a tuahmi vialte kha an hmuh cang.