DEUTERONOMI 4:29 - Lai (Hakha) Common Language Bible 2006

²⁹ Sihmanhsehlaw khika ah Bawipa nan Pathian cu nan kawl lai i, nan lung vialte le nan ruahnak vialte in amah kha nan kawl ahcun nan hmuh lai.

DEUTERONOMI 4:29 Խաչաձեւ Հղումներ

2 CHANRELNAK 15:4

sihmanhsehlaw an harnak chungin Bawipa, Israel Pathian leiah an i mer i an kawl tikah annih nih an hmuh ko.

SALM 119:10

Ka lungthin a dih umnak in na rian ṭuan kha kaa zuam; na nawlbia kha zul loin ka umnak hnga lo ka bawm.

DEUTERONOMI 30:10

hi nawlbia cauk chungah aa ṭialmi a phungbia le a nawlbia hna kha ulh awkah nannih nih Bawipa nan Pathian aw kha nan ngaih i Bawipa nan Pathian lei ah nan lung dihlak le nan ruahnak dihlak in nan i mer paohpaoh ahcun, an rumter hna lai.

JOEL 2:12

“Atu zong hmanh ah hin, nan lung tak tein i ngaihchih u law, rawl kha ul u law ṭap u law nan ṭang i cum tuah u.

SALM 119:145

Ka lungthin dihlak in nangmah cu kan auh, Maw Bawipa ka let law na nawlbia cu ka zulh hna lai.

SALM 119:58

Ka lungthin dihlak in kan nawl, bia na ka kamh bangin ka zaangfah tuah!

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

2 CHANRELNAK 31:21

Cun Pathian inn rian le phungbia le nawlbia he aa tlak in a tuahmi rian vialte ah, Pathian a kawlnak ah, a lungthin dihlak in a ṭuan i khua awng a tong.

2 CHANRELNAK 15:15

Cun Judah mi vialte cu an biakam chiatsernak ah cun an i lawm; zeicahtiah an lungtak tein chiatsernak cu an tuah i an duhnak dihlak in amah cu an kawl i amah cu an hmuh i an velchum ah Bawipa nih dinhnak a pek hna.

2 CHANRELNAK 15:12

Cun annih nih Bawipa, an pupa hna Pathian kha an lung dihlak le an nunnak dihlak in kawl awkah biakamnak chungah an lut;

2 SIANGPAHRANG 10:31

Sihmanhsehlaw Jehu cu Bawipa, Israel Pathian nawlbia kha a lungthin a dihumnak in zulh awkah aa ralring lo; Jeroboam nih Israel mi a sualternak hna a sualnak kha a pialtak hna lo.

2 SIANGPAHRANG 23:3

Cun siangpahrang cu tungpi hram ah khan a dir i, Bawipa kha zulh i a nawlbia hna le a hngalhternak bia hna le a phungbia hna kha a lungthin dihlak le a nunnak dihlak in zulh awk le hi cauk chungah aa ṭialmi biakamnak bia hna kha tuah awkah Bawipa hmaiah khan bia aa kam; cun mi vialte nih khan a tuahmi biakamnak cu an tuahpi ve.

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

DEUTERONOMI 10:12

“Kha! Israel, Bawipa na Pathian nih an fialmi cu zeidang si loin, Bawipa na Pathian ṭih le, a lam vialte kha zulh le, amah kha dawt le, Bawipa na Pathian cu na lung dihlak le na ruahnak dihlak in a rian ṭuan le,

DEUTERONOMI 11:13

“Cun nihin ah nawl kan pekmi hna ka nawlbia, Bawipa nan Pathian dawt le, a rian nan lung dihlak le nan ruahnak dihlak in ṭuan cu, nan zulh hna ahcun,

DEUTERONOMI 26:16

“Nihin ah hin Bawipa nan Pathian nih hi nawlbia hna le phunglam hna hi tuah awkah nawl an pek hna; cu caah nan lungthin vialte le nan ruahnak vialte in ṭha tein nan tuah hna lai.

JOSHUA 22:5

Bawipa sal Moses nih, Bawipa nan Pathian cu dawt awk le, a lam vialte kha zulh awk le, a nawlbia hna kha tuah awk le, amah sinah i bek awk le, amah cu nan lung dihlak le nan thlarau vialte in a rianṭuan awkah nawl an pekmi hna nawlbia le phungbia cu tuah awkah ṭha tein i ralring tuah u,” tiah a ti hna.

NEHEMIAH 9:27

Cucaah an ral hna kut chungah khan na chanh hna i annih nih an hrem hna. Sifahnak an in tikah nangmah cu an in auh i vancung khin na run theih hna; na zaangfahnak a ngan bantukin an ral hna kut chungin a khamhtu hna khamhtu kha na pek hna.

JEREMIAH 51:50

A vainam chungin a luatmi hna, kal u, dir hlah u; Lamhlapi ah um hmanh u law, Bawipa kha ka hngal camcin u, Jerusalem kha nan lungchung in ruat camcin u.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

AMOS 5:4

Mah hihi Bawipa nih Israel mi sinah a chimmi bia a si:

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.