DEUTERONOMI 4:15 - Lai (Hakha) Common Language Bible 2006

¹⁵ “Cucaah ṭha tein i ralring tuah u. Bawipa nih Horeb ah mei chungin an chawnh hna ni ah khan a mui zeihmanh nan hmuh lo caah,

DEUTERONOMI 4:15 Խաչաձեւ Հղումներ

ISAIAH 40:18

Pathian cu aho he dah na tahchunh khawh lai? Zeidah a lawh ti kha zeitindah na chimh khawh lai?

MALAKHI 2:15

Pathian nih nangmah cu amah he pum khat le thlarau khat in an ser lo maw? Cu bantukin a tuahmi ah cun aa tinhmi zeidah a si? Aa tinhmi cu Pathian a ṭihzahmi fale ngeih kha a si. Cucaah ahohmanh nih nan nupile kha zumhawktlak loin nan umtak hna lai lo.

JEREMIAH 17:21

Hitihin Bawipa nih a ti: Nannih nih sabbath ni ah thil nan phorh nakhnga lo le Jerusalem kutka hna zongah hin nan luhpi hna nakhnga lo, ṭha tein i ralring u.

PHUNGTHLÛKBIA 4:27

Orhlei ah siseh, kehlei ah siseh, pial hlah; Ṭhat lonak vialte kha hrial dih hna.

PHUNGTHLÛKBIA 4:23

Na lung kha ṭha tein veng tuah, Zeicahtiah cuka cun nunnak cerhti kha a put.

SALM 119:9

Zeitindah tlangval nih thiang tein a um lai? Na nawl ngaihnak thawngin thiang tein a um lai.

JOSHUA 23:11

Cucaah Bawipa nan Pathian cu dawt awkah i ralring ngaingai tuah u.

DEUTERONOMI 4:12

Khi tikah Bawipa nih mei chung khan an chawnh hna; bia thawng cu nan theih, sihmanhsehlaw mui cu nan hmu lo; aw lawnglawng a si ko.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

DEUTERONOMI 4:23

Bawipa nan Pathian biakamnak nannih he a sermi cu nan philh sual i Bawipa nan Pathian nih an thlauhmi hna suaimi mui, zei mui a kengmi hmanh cu, nan ser sual nakhnga lo, i ralring tuah u.

EXODUS 19:1

Israel mi nih Izipt ram in an chuah a thla thumnak thla, a ni khat ni ah Sinai thetse ram ramcar kha an phan.

EXODUS 20:4

“Vancung i a ummi thil si hna seh, vawlei i a ummi thil si hna seh, ti chung i a ummi thil si hna seh, vawlei tang i a ummi thil si hna seh, cu hna mui he aa lo in siasal zeihmanh nan i ser lai lo.

DEUTERONOMI 4:14

Cun khi caan ah khan Bawipa nih nannih cu nawlbia le phunglam hna kha cawnpiak awkah nawl a ka pek, nannih nih co awkah nan va kalhnawhmi ram chung i nan va tuah awk a simi hna cu.

DEUTERONOMI 5:8

“ ‘Nangmah caah serchommi siasal, cunglei van i a ummi thil a lomi siseh, tanglei vawlei i a ummi thil a lomi siseh, vawlei toi i a ummi ti chung i a ummi thil a lomi siseh, na ser lai lo;

DEUTERONOMI 4:36

Amah nih an chimhhrin hna nakhnga, vancung in a aw cu an theihter hna; cun vawlei ah a mei lianngan cu an hmuhter hna i mei chung cun nannih nih a aw kha nan theih.

DEUTERONOMI 5:4

Bawipa nih hmaitonh tein tlang ah khan mei chungin an chawnh hna,

DEUTERONOMI 9:10

Cun Pathian kutdong in ṭialmi lungtlap pahnih hna cu Bawipa nih a ka pek; cun cu hna cungah cun, pumhnak ni ah mei chungin Bawipa nih tlang cung i nannih sinah a chimmi bia vialte kha an um.

DEUTERONOMI 10:4

Cun lung tlap hna cungah cun, tlang cungah mei chungin pumh ni i Bawipa nih nan sinah a chimmi nawlbia pahra cu hmasa i a ṭial bang khan, a ṭial hna i Bawipa nih a ka pek hna.

1 SIANGPAHRANG 19:12

lihnin a dih cun mei a hung chuak, sihmanhsehlaw Bawipa cu mei chung zongah cun a um lo; cun mei a dih cun aw ṭhia aw dinte a hung chuak.