DEUTERONOMI 4:10 - Lai (Hakha) Common Language Bible 2006

¹⁰ Bawipa nan Pathian hmaiah Horeb ah nan dir ni ah khan Bawipa nih a ka chawnh i, ‘Mi cu ka sinah pum tuah hna, ka bia kha an theih i vawlei cung i an nunchung vialte keimah ṭih kha an hngalh i cu bantukin an fale zong an cawnpiak hna nakhnga,’ tiah a ka ti mi kha kan hngalhter hna.

DEUTERONOMI 4:10 Խաչաձեւ Հղումներ

EXODUS 19:9

Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

DEUTERONOMI 17:19

hi phungbia chung bia vialte hna le hi nawlbia hna ulhnak le tuahnak hin Bawipa a Pathian ṭih cu a thiam nakhnga le, a unau hna cungah a lung aa hlorh i nawlbia in kehlei ah siseh, orhlei ah siseh, a pial nakhnga lo le, Israel chungah amah le a fale hna nih amah a ram chungah hin saupi an uk nakhnga, amah sinah a chiah lai i a nun chung vialte a rel lai.

DEUTERONOMI 5:2

Bawipa kan Pathian nih Horeb ah kanmah he biakamnak a ser.

EXODUS 20:20

Moses nih mi zapi cu, “Nan thinphang hlah u; Pathian a rat cu nanmah hneksak awk le sualnak nan tuah nakhnga lo amah nan a ṭih zungzal nakhnga ca lawngah a si,” a ti.

EXODUS 20:18

Mi zapi nih khan khuari thawng le tuukawng ki muko aw thawng kha an theih i nimtlau le tlang cung meikhu kha an hmuh hna tikah, a ther in an ther i lamhlat piin an dir.

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

BIAPHUAN 19:5

Cun bawiṭhutdan khan aw pakhat a rung thang i, “Kan Pathian sal vialte hna le a mi vialte hna le amah a ṭihmi vialte hna, a hme a ngan in, kan Pathian cu thangṭhat tuah u,” a ti.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

LUKA 1:50

Amah a ṭihmi vialte kha chan khat hnu chan khat in a zaangfah hna.

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.

DEUTERONOMI 14:23

Bawipa nan Pathian kha ṭih awk nan hngalh zungzal nakhnga, nan rawl chungin siseh, nan mitsur hang chungin siseh, nan chiti chungin siseh cheu hra cheu khat le nan saṭil run chung le nan tuurun chung i fater hna cu, Bawipa nan Pathian hmaiah, a min umnak ding i a thim hngami hmun ah cun nan ei lai.

DEUTERONOMI 5:29

Keimah ṭih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!

EXODUS 19:1

Israel mi nih Izipt ram in an chuah a thla thumnak thla, a ni khat ni ah Sinai thetse ram ramcar kha an phan.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

DEUTERONOMI 11:19

Cun mah hna cu nan fale kha nan cawnpiak hna lai i, nan inn chung i nan ṭhut le lam i nan i chawh le nan ih le nan thawh tikah nan chim lengmang hna lai.

DEUTERONOMI 12:1

“Bawipa, nan pupa hna Pathian nih co awkah an pekmi hna ram chungah, vawlei cung i nan nunchung vialte ralring tein nan tuah awk ding nawlbia le phunglam cu mah hna hi an si.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

EXODUS 19:11

kiptuh caah i ralring cia hna seh. Cu ni ah cun, Bawipa cu Sinai Tlang cungah ka rung ṭum lai i cuka ah cun mi zapi nih khan an dihlak in an ka hmuh khawh lai.

DEUTERONOMI 6:2

Bawipa na Pathian cu na ṭih nakhnga le na chan cu a sau nakhnga, Bawipa nan Pathian nih nannih kha cawnpiak awkah nawl a ka pekmi nawlbia hna le phunglam hna le phungbia hna cu mah hihi an si.

DEUTERONOMI 6:7

na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.

SALM 145:4

Na tuah sernak cu chan khat hnu chan khat thangṭhat a si lai, thil khuaruahhar na tuahmi cu aupi an si lai.

ISAIAH 38:19

Atu i keimah nih kan thangṭhat bantukin nangmah an thangṭhatmi cu minung hi an si. Zeitluk in dah zumhawktlak na si kha pale nih an fale kha an chimh hna.