DEUTERONOMI 34:9 - Lai (Hakha) Common Language Bible 2006

⁹ Cun Nun fapa Joshua cu, Moses nih a cungah a kut a chuan caah, fimnak thlarau in a khat; cucaah Israel mi nih a bia an ngaih i Bawipa nih Moses nawl a pek bang khan an tuah.

DEUTERONOMI 34:9 Խաչաձեւ Հղումներ

ISAIAH 11:2

A mi kha a uk khawh hna nakhnga Bawipa ṭhawnnak nih amah cu fimnak le hngalhnak le thiamnak a pek lai. Bawipa duhnak kha zeidah a si ti a hngalh lai i Bawipa cu a ṭih lai.

LAMKALTU 6:6

Cu hna cu lamkaltu hna sinah khan an hei chuahpi hna i thla an campiak hna i an lu cungah an kut an chuan.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

DANIEL 6:3

An rianṭuannak ah cun Daniel nih vuanzi dang hna le mangki dang hna cu a thil ti khawhnak in a iap hna i cucaah siangpahrang nih ram vialte uktu ding i chiah awkah a lung chungin a ruah.

2 SIANGPAHRANG 2:15

Profet fapa hna, Jeriko khua i a ummi nih khan, annih an ralchan ah amah cu an hmuh tikah, “Elijah thlarau cu Elisha cungah aa fu,” tiah an ti. Cun amah don awkah khan an ra i amah hmaiah vawlei lei hoih in an kun.

2 SIANGPAHRANG 2:9

An tan dih tikah Elijah nih Elisha cu, “Nangmah sinin lak ka si hlan ah hin zeidah kan tuahpiak lai, ka hal tuah,” tiah a ti. Cun Elisha nih, “Na thlarau hi a let hnih in ka coter tuah tiah kan nawl,” a ti.

1 SIANGPAHRANG 3:12

zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

KOLOSE 2:3

Khrih cu Pathian fimnak le hngalhnak aa thupmi hunnak tawh a si.

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

EXODUS 31:3

Thil dawh tein ser khawhnak dingah thiamnak le thil ti khawhnak le hngalhnak a ngeih nakhnga Pathian thlarau in ka khahter cang.

1TIMOTE 5:22

Bawipa rianṭuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

DEUTERONOMI 34:8

Cun Israel mi nih Moses cu Moab nelrawn ah ni sawm thum an ṭah; cun Moses an ṭahnak ni hna cu a dong.

EXODUS 12:28

Israel mi cu an kal i mahticun an tuah; Bawipa nih Moses le Aaron a fial hna ning khan an tuah.

EXODUS 28:3

Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu ṭuan seh.

1 CHANRELNAK 29:23

Cun Bawipa siangpahrang ṭhutdan ah cun Solomon cu a pa David can ah khan siangpahrang in a ṭhu i a hungcho i Israel mi vialte nih a bia kha an ngaih.