4 Moses nih Jakob mibu ca i ro caah phungbia a kan pek tikah.
Moses nih Nawlbia kha an pek hna a si lo mei? Sihmanhsehlaw ahohmanh nih nan zul lo. Zeicahdah keimah lehlam thah nan ka zalh?” tiah a ti hna.
Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.
Na nawlbia cu zungzal ka ro an si, ka lung a ka lawmhtertu an si.
Na ka pekmi nawlbia cu ka caah vawlei cung tangka vialte nakin a ṭha deuh.
Bawipa nan Pathian nawlbia kan pekmi hna cu nan ulh nakhnga, nawlbia kan pekmi hna hi nan chap lai lo, nan zuk fawn lai lo.
Jakob cu a bia kha a chimh, Israel cu a nawlbia le a phunglam kha a pek.
Mah hihi Bawipa nih amah le Israel mi hna karlak ah Sinai Tlang cungah Moses thawngin nawlbia hna le phunglam hna le phungbia hna a sermi cu an si.