DEUTERONOMI 32:51 - Lai (Hakha) Common Language Bible 2006

⁵¹ zeicahtiah Zin ramlak i Meribah-kadesh ti ah khan, Israel mi hna lakah khan, zumhawktlak loin nan ka umhnawh i, Israel mi hna lakah khan a thiangmi bantukin nan ka hmaizah lo.

DEUTERONOMI 32:51 Խաչաձեւ Հղումներ

NAMBAR 27:14

zeitintiah Zin ramlak i mibu nih an zai lioah khan, an mithmuh ah, ti ah khan, keimah thangṭhat awk i ka bia kha na doh,” tiah a ti. (Hi ti cu Zin ramlak i a ummi Kadesh khua i Meribah ti kha an si.)

NAMBAR 20:24

“Aaron cu a mi hna sinah pumh a si cang lai; Meribah ti ah khan ka nawlbia nan doh caah, Israel mi hna ka pekmi ram ah khan a lut lai lo.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?

ISAIAH 8:13

Ralkapbu Bawipa keimah hi a thiangmi ka si kha philh hlah; na ṭih hrimhrim awk cu keimah hi ka si.

JOSHUA 15:1

Judah phun caah an innchungkhar ning cio ah an vo cu thlanglei ah Edom ramri, thlanglei bik ah Zin ramlak tiang a phan.

EZEKIEL 47:19

Thlanglei kam ramri cu Tamar in aa thawk lai i Kadesh pawng i a ummi Meribah ti tiang a phan lai; nannih pekmi ram cu Rili Ngan tiang a phan lai. Mah hihi Negeb leiah thlanglei kam cu a si.