DEUTERONOMI 32:49 - Lai (Hakha) Common Language Bible 2006

⁴⁹ “Jeriko zawn, Moab ram chung Abarim tlang thluan i a ummi Nebo Tlang ah va kai tuah law, ro caah Israel mi ka pekmi hna Kanaan ram cu va cuan tuah.

DEUTERONOMI 32:49 Խաչաձեւ Հղումներ

NAMBAR 27:12

Bawipa nih Moses cu a chawnh i, “Abarim tlang ah khin hung kai law, Israel mi hna ka pekmi ram cu hung cuan tuah.

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

ISAIAH 33:17

Ram kaupi a uktu siangpahrang sunparnak cu na mit in na hmuh ṭhan lai.

LAMKALTU 7:45

Cun a hnu deuh ah a kan hringsortu hna nih kan thlam cu an pupa hna sin khan an lak i Joshua sin i an kal ah khan an i kalpi; an hmai in Pathian nih a dawimi hna ram kha an va lak tikah, thlam kha an i kalpi lengmang i cuka ah cun David chan tiang kha a um.

LEVITIKAS 14:34

“Co awk i kan pekmi hna Kanaan ram chungah nan luh tikah, nan comi ram chung i inn pakhatkhat ah thinghmui zawtnak ka chiah ahcun,

DEUTERONOMI 3:27

Pisgah tlangpar ah hung kai law, nitlaklei le chaklei le thlanglei nichuahlei kha hei zoh hna law, na mit in cuan tuah hna, zeicahtiah hi Jordan ral ah cun na kai lai lo.

JEREMIAH 22:20

Jerusalem khuami hna, Lebanon ah khin hung kal u law hung au tuah u, Bashan ah khin fak piin hung au tuah u; Abirim in fak piin au u, zeicahtiah nanmah sin i a ṭangmi vialte kha an sung cang.

GENESIS 17:8

Hi ram, atu i khual na sinak ram hi, nangmah le na tefa hna cu kan pek hna lai. Kanaan ram hi a ning piin nan ta a si zungzal lai i keimah hi an Pathian ka si lai,” a ti.