DEUTERONOMI 32:30 - Lai (Hakha) Common Language Bible 2006

³⁰ An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

DEUTERONOMI 32:30 Խաչաձեւ Հղումներ

LEVITIKAS 26:8

Nannih lak i panga nih za khat nan dawi hna lai i nannih lak i za khat nih thong hra nan dawi hna lai; nan ral hna cu nan hmaiah vainam in an tlu lai.

JOSHUA 23:10

Bawipa nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

ISAIAH 30:17

Ral pakhat nan hmuh tikah, thong khat nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.

SALM 31:8

Ka ral hna kut chungah na ka phakter lo, himte tu in na ka zohkhenh.

SALM 44:12

Na mi cu man tlawmte ah na kan zuar i cu na kan zuarnak ah cun na miakmi zeihmanh a um lo.

ISAIAH 52:3

Bawipa nih a mi cu a thawh hna i, “Man loin sal ah zuar nan si. Cu bantuk ve in man loin tlanh nan si lai.

2 CHANRELNAK 24:24

Siria ralkapbu cu mi tlawmte he an ra ko na in, annih kut chungah khan Bawipa nih ralkapbu nganpi cu a pek hna, zeicahtiah annih nih Bawipa, an pupa hna Pathian kha an hlawt. Cuticun Joash cungah biaceihnak kha an tlunter.

BIACEIHTU 3:8

Cucaah Bawipa thinhunnak cu Israel mi cungah a alh i Mesopotamia siangpahrang Kushan-rishathaim kut chungah khan a zuarh hna; cu caah Israel mi nih cun Kushan-rishathaim cu kum riat an rianh.

ISAIAH 50:1

Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

JOB 11:10

Pathian nih an tlaih i biaceihnak ah an chuahpi ahcun, Aho nih dah amah cu a dawnh khawh lai?

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

MATTHAI 18:25

Cu sal nih cun a leiba chamnak a ngeih lo caah a bawipa nih cun cu pa cu a nupi he a fale he a ngeihmi thil vialte he leiba chamnak dingah cun sal ah zuar si hna seh, tiah a ti.

JOB 16:11

Pathian nih Pathian zei i a rel lomi hna sinah khan a ka chanh i Miṭhalo hna kut chungah khan a ka hlonh.

LEVITIKAS 26:7

Nan ral kha nan dawi hna lai i nan hmaiah vainam in an tlu lai.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

1 SAMUEL 2:2

“Bawipa bantukin a thianghlim ahohmanh an um lo Nangmah hleiah ahohmanh an um lo; Kan Pathian bantuk lungpi zong an um lo.

1 CHANRELNAK 12:14

Hi Gad mi hna hi ralkap bawi an si, a hme deuh pawl hi za haotu an si i a ngan deuh pawl hi thong haotu an si.

1 SIANGPAHRANG 14:16

Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti.

2 SIANGPAHRANG 7:5

Cucaah mui chupchap ah khin Siria mi hna riahhmun i va kal awkah cun an i thawh; sihmanhsehlaw Siria mi hna riahhmun tonter an va phanh tikah, zohhmanh, khika ah ahohmanh an rak um lo.