DEUTERONOMI 32:24 - Lai (Hakha) Common Language Bible 2006

²⁴ Rawlṭam in an lotlau lai i A kangh in a kangmi linhnak le sivai ṭha rai nih an ei hna lai; Sahrang ha hna cu, leidip ah a lawnmi thil sivai hna he, An cungah ka tlunter lai.

DEUTERONOMI 32:24 Խաչաձեւ Հղումներ

LEVITIKAS 26:22

Nannih lak i sahrang cu ka thlah hna lai i nan fale kha an in sehpiak hna lai, nan saṭil kha an in hrawhpiak hna lai i an in tlawmter hna lai, cu caah nan lam hna cu an ṭhing dih lai.

EZEKIEL 5:17

nannih cu mangṭam le sahrang kha kan thlahhnawh hna lai i nan fale kha an thah dih hna lai. Rai le thisen chuahnak nih an in tlunhnawh hna lai i vainam cu nan cungah ka tlunter lai, tiah Bawipa nih ka chim,” tiah a ti.

HABAKKUK 3:5

A hmaiah rai kha a kal i a kalnak paoh ah zawtnak nih a zulh.

AMOS 9:3

Karmel tlangpar zongah i thup hna hmanh seh law Khika zongah cun ka kawl hna lai i ka char hna lai; Rili a thuhnak hmun ka mit hmuh lonak zongah i thup hna hmanh seh law Khika zongah cun rili chung rulpi kha seh hna tiah ka fial lai.

EZEKIEL 14:21

“Mah hihi Bawipa Pathian bia cu a si: Cucaah cun ka dantatnak pali, vainam le mangṭam, sahrang le rai hna hi, minung le saṭil hna hrawh awkah Jerusalem khua cung i ka tlunter tikah, a caah zeitluk in dah ruahchannak a tlawm chinchin lai!

EZEKIEL 14:15

Ram pakhatkhat cu a chung i a ummi minung hna kha hrawh awkah sahrang kha ka thlahhnawh hna, cu sahrang hna nih cun an hrawh cikcek i cu sahrang hna ṭih ah cun ahohmanh nih an pal ti lo tikah,

ṬAHNAK HLA 5:10

Rawlṭam linhsatnak nih kan cuar cu Somei nih a nahter bantukin a nahter.

JEREMIAH 16:4

Zawtnak ṭihnung ngaingai in an thi lai. Ahohmanh nih an ṭah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangṭam in an thi lai, an ruak cu van i a zuangmi va hna le vawlei i a ummi saram hna caah rawl an si lai.

JEREMIAH 15:3

“An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.

JEREMIAH 14:18

Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangṭam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

ISAIAH 65:25

Cenghngia le tuufa cu an tlong ṭi lai i chiandeih nih caw bantukin capawl an ei lai. Rul cu ṭih an nung ti lai lo i a rawl ah leidip a si lai. Ka tlang thiang Zion Tlang cungah cun i hliamkhuainak le i hrawhnak zeihmanh a um ti lai lo,” a ti.

SALM 120:4

Ralkap cantiang le meiṭil sen in dan an tat hna lai.

SALM 91:6

mui lak i a ummi rai zong kha na ṭih lai lo i chun ceu i mi a that cuahmahmi ngal-eu zong kha na ṭih lai lo.

DEUTERONOMI 28:53

Nan ral hna nih vansang au in an in hren hna lai caah, Bawipa nan Pathian nih an pekmi hna nanmah pum chung chuakmi hrimhrim, nan fanu hna le nan fapa hna sa cu nan ei lai.

DEUTERONOMI 28:22

Bawipa nih ngornak, taklinhnak, phinnak le niritnak, rocarnak, thutnak le buarnak in an hrem hna lai; nan rawk hlantiang an in dawi hna lai.

GENESIS 49:15

Aa dinhnak hmun kha zeitluk in dah a ṭhat ti le, a umnak ram kha zeitluk in dah a nuamh ti kha a hmuh tikah a phorhmi thil kha phorh awkah aa hnek ṭhan i sal bantukin rian har a ṭuanmi ah a cang.

GENESIS 3:14

Cun Bawipa Pathian nih rul cu a thawh i, “Hi ruangah hin nangmah cu dantat na si; hi chiatsernak hi nangmah lawng nih na in lai. Atu thawk hin na paw in na lawn cang lai i na eimi rawl cu leidip a si lai.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.

JOB 20:16

A dolhmi cu rul sivai bantuk a si; Cu nih cun ping-er cuk bantukin a thah.

JEREMIAH 8:17

Zohhmanh u, nan lakah rul kan thlahhnawh hna lai, Ahohmanh nih an camh khawh lomi pinger hna cu, kan thlahhnawh hna lai. Annih nih cun an in cuk hna lai, tiah Bawipa nih a ti.

MIKAH 7:17

Rul bantukin leidip kha liak hna seh law Vawlei i a lawn in a lawnmi thilnung bantukin vawlei kha ei hna seh. Annih nih an ralhau chung khan ther lengmang le phang lengmang in hung chuak hna seh law nangmah cu in ṭih hna seh, Maw Bawipa kan Pathian.