DEUTERONOMI 32:22 - Lai (Hakha) Common Language Bible 2006

²² Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

DEUTERONOMI 32:22 Խաչաձեւ Հղումներ

ṬAHNAK HLA 4:11

Bawipa nih diriam in a thinlinhnak kha a chuah i a thinhunnak kha a bungh; Zion ah mei a kau i a hram kha a kangh dih.

JEREMIAH 15:14

Annih cu an hngalh bal hrimhrim lomi ram ah khan an ral hna kha ka rianhter hna lai, zeicahtiah ka thinhunnak cu mei bantuk a si i zungzal in a alh ko lai,” tiah a ti.

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

MIKAH 1:4

Mei nih khuaiseng kha a linh tikah a zor bantukin tlang hna cu amah toiah cun an zor i, Tlang pang ah ti an luan bantuk khin horkuang chungah an vung luang.

JEREMIAH 17:4

Kan pekmi hna nan ro kha nan sung lai. Nan hngalh lomi ram chungah nan ral kha nan rianh hna lai, zeicahtiah ka thinhunnak cu a alhmi mei a si i zungzal in a alh ko lai.

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

NAMBAR 16:35

Cun Bawipa sinin mei a chuak i zihmui a pechan liomi minung za hnih le sawm nga kha a kangh dih hna.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

MATTHAI 18:9

Cun nan mit nih an pialter hna ahcun khoih u law hlonh ko hna u. Hell chungah mit pahnih he tlak nakcun mit pakhat he lawng nunnak chung i luh cu nan caah a ṭha deuh.”

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

HABAKKUK 3:10

Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

EZEKIEL 36:5

Hihi Bawipa Pathian bia cu an si: Ka nahchuahnak mei lin chungin miphun dang hna sinah khan fiang tein ka chim cang i fiang khun in Edom kong ah khan ka chim. Zeicahtiah Edom nih khan porhlawt ruamkai ngaingai in le zeirello ngaiin ka ram kha a lak i a rok a ramh dih.

ṬAHNAK HLA 2:3

A thinhun in Israel sunparnak ki cu a tan i Ral an rat cuahmah lioah khan a bawmhnak kut cu a zuhkanh hna; Jakob chungah cun meizik bangin a alh i a pawngkam vialte kha a kangh dih.

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

ISAIAH 54:10

Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai,” tiah nangmah an dawtu Bawipa nih a ti.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 24:6

Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang.

SALM 144:5

Maw Bawipa, van kha run ṭhum hna law kan sinah rung ṭum tuah, tlang kha run tawng hna law meikhu chuah hna seh.

SALM 97:3

A hmaiah mei cu a kal i a velchum i a ummi a ral kha a kangh dih hna.

SALM 83:14

Mei nih tupi kha a kangh i meizik nih tlang cu a hliau bantukin

SALM 46:2

Cucaah cun vawlei cu i hnin in tlang cu rili chungah tla hna hmanh seh law ka thin a phang lai lo;

SALM 21:9

A hung chuah tikah meizik bantukin a hrawh dih hna lai. Bawipa nih a thinhun in a kangh dih hna lai i mei nih a kangh dih hna lai.

DEUTERONOMI 29:20

Bawipa nih a ngaithiam lai lo, sihmanhsehlaw Bawipa thinhunnak le nahchuahnak nih cu pa cu a khut lai i hi cauk chungah aa ṭialmi chiat vialte hi a cungah an tla lai i, Bawipa nih a min cu vanrang toi in a hloh lai.

LEVITIKAS 26:20

cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna nih thei an tlai lai lo.

NAMBAR 16:33

Cu caah annih le anmah ta a simi vialte cu Sheol ah a nung in an vung tla i vawlei nih a khuh hna i aa pummi chung cun an thi dih.

EZEKIEL 38:19

Zeicahtiah ka hamnak hna le ka thinhunnak a linh in a linmi in chiatser in ka chim i cu ni ah cun Israel ram chung dihlak ah lihnin fakpi a um lai.

AMOS 7:4

Bawipa Pathian nih a ka hmuhsak ṭhanmi cu mah hihi a si: Bawipa Pathian nih a thukmi rili le sermi thil vialte kha khangh dih awkah mei kha a auh.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

ṬAHNAK HLA 2:4

Ral bantukin a li kha aa koih; Ral bantukin a dir i A rak lawmh tawnmi vialte hna kha A ban ṭhawng in a thah hna; A thinhunnak cu mei bangin Zion fanu thlam cungah a bungh dih.

EZEKIEL 19:12

Sihmanhsehlaw thinhun in sam a si i vawlei ah hlonh a si; Nichuahlei thli nih a chem i a ro dih, A thei kha a choih dih hna, A nge ṭhawngṭhawng kha an ro dih i mei nih a kangh hna.

EZEKIEL 22:21

Nannih cu kan pumh hna lai i ka thinhunnak mei cu ka chem lai i a chungah nan ti dih lai.

AMOS 5:6

Nun nan duh ahcun Bawipa sinah ra u, Cu ti a si lo ahcun Josef kha mei bantukin a kangh lai, Bethel kha ahohmanh a hmihpiaktu um loin a kangh lai.

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.