DEUTERONOMI 32:18 - Lai (Hakha) Common Language Bible 2006

¹⁸ An hringtu Lungpi kha na ruat lo i An sortu Pathian kha na philh.

DEUTERONOMI 32:18 Խաչաձեւ Հղումներ

ISAIAH 17:10

Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

JEREMIAH 2:32

Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

SALM 106:21

Izipt ram chungah khuaruahharmi thil a tuahmi thawngin Pathian nih a khamh hna, asinain cu Pathian cu an philh.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

DEUTERONOMI 8:19

Cun Bawipa nan Pathian nan philh i pathian dang kha nan zulh hna i an rian nan ṭuan i nan biak hna ahcun, nan rawk hrimhrim lai, tiah nihin ah hin ralrin kan pek hna.

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.

DEUTERONOMI 8:11

“Nihin ah kan pekmi hna a phungbia hna le a phunglam hna le a nawlbia hna hi nan zulh lonak thawngin Bawipa nan Pathian cu nan philh sual nakhnga lo, i ralring tuah u;

DEUTERONOMI 6:12

khi tikah Izipt ram, sal cannak inn a simi chung khan, an chuahpitu Bawipa kha na philh sual nakhnga lo, i ralring tuah.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

1 SAMUEL 12:9

Sihmanhsehlaw Bawipa an Pathian kha an philh i Hazor siangpahrang Jabin i a ralkapbu haotu Sisera kut chungah khan le Filistin mi hna kut chungah le Moab siangpahrang kut chungah khan a zuarh hna; cun annih nih an tuk an doh hna.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.