DEUTERONOMI 31:7 - Lai (Hakha) Common Language Bible 2006

⁷ Cun Moses nih Joshua cu a kawh i Israel mi vialte hna hmaiah a sinah, “Ṭhawng law, ralṭha in um tuah, zeitintiah Bawipa nih annih kha pek awkin an pupa hna sinah chiat a rak sermi ram chungah khan, hi mi hna he hin na kal lai i, annih cu na coter hna lai.

DEUTERONOMI 31:7 Խաչաձեւ Հղումներ

DEUTERONOMI 3:28

Asinain Joshua cu nawl pe tuah, amah cu forh law, thazang pe tuah, zeitintiah hi mi hna lu ah hin a kal lai i na hmuh laimi ram cu a coter hna lai,’ a ka ti.

DEUTERONOMI 31:6

Ṭhawng u law, nan ral ṭha ko u, ṭih hlah u, an hmaiah therphang hlah u; zeicahtiah nanmah he a kalmi cu Bawipa nan Pathian a si; an deuh hna lai lo i an hlaw fawn hna lai lo,” a ti.

DEUTERONOMI 1:38

nangmah an bultawltu Nun fapa Joshua cu a lut lai; amah kha thazang pe tuah, zeitintiah amah nih Israel cu, cu ram cu a coter lai.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

JOSHUA 1:6

Ṭhawng ngai le ralṭha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai.

DANIEL 10:19

A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.

DEUTERONOMI 31:23

Cun Bawipa nih Nun fapa Joshua kha rian a pek i, “Ṭhawng law, na ral ṭha tuah; zeitintiah Israel fale hna cu annih pek awkah chiat ka sermi ram chungah na luhpi hna lai; nangmah sinah ka um lai,” tiah a ti.

DEUTERONOMI 31:3

Bawipa nan Pathian cu amah hrimhrim nan hmaiah a kal lai; hi miphun hna cu nan hmaiah a hrawh hna lai, cucaah nan pawnchuah hna lai; Joshua nih hmai an sak hna lai, Bawipa nih a chim bang khan.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

NAMBAR 27:19

tlangbawi Eleazar le mibu a dihlak hmaiah khan dirter law, an mithmuh ah nawlngeihnak kha pe tuah.

DEUTERONOMI 11:8

“Cucaah nihin kan pekmi hna nawlbia cu a dihlak in nan zulh lai, nannih nih nan ṭhawn i va co awkah nan kalhnawhmi ram cu nan luhhnawh i nan co nakhnga le,

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

1 SIANGPAHRANG 2:2

“Vawlei cung vialte phung bangin ka kal dengmang ve cang. Ṭhawng law patling na si kha langhter tuah,

NAMBAR 13:20

ram cu a rum maw a pam, a chungah thing an um maw um lo. Cun nan ral ṭha ko u, cuka ram theitlai cu tlawmpal in run phor u,” tiah a ti hna. Cu caan cu mitsur thei a hmin hmasa bik pawl hmin caan a si.

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.

2 SAMUEL 10:12

Ralṭha ngaiin um tuah, cun kan mi hna le kan Pathian khua hna caah hin pasal si u sih; cun Bawipa nih a ṭha a tining paoh in tuah ko seh,” tiah a ti.

1 CHANRELNAK 22:13

Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah.