DEUTERONOMI 30:18 - Lai (Hakha) Common Language Bible 2006

¹⁸ nannih cu nan rawk lai; luhhnawh awk le co awk caah Jordan tiva nan tanhnawhmi ram chungah sau nan nung lai lo, tiah nihin ah kan thanh hna.

DEUTERONOMI 30:18 Խաչաձեւ Հղումներ

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

DEUTERONOMI 31:29

Zeitintiah ka thih hnuah cun thil ṭhalo kha nan tuah hrimhrim lai i nawl kan pekmi hna lam khan nan pial lai tiah ka hngalh ko; cun Bawipa mithmuh ah ṭhat lonak nan tuah i nan kut rianṭuannak in a thin nan hunter caah, hmailei ah ṭhat lonak nih an tlunhnawh hna lai,” tiah a ti.

NAMBAR 32:15

Nannih Reuben mi hna le Gad mi hna nih Bawipa kha zul loin nan pial ahcun, ramlak ah hi mi hna hi a kaltak ṭhan ko hna lai i hi mi vialte hi nan hrawh ko hna lai pei,” tiah a ti hna.

DEUTERONOMI 30:17

Sihmanhsehlaw nan lung aa mer i nan theih duh lo i pathian dang hna kha biak awk le an rianṭuan awkah an in hruai khawh hna ahcun,

DEUTERONOMI 4:25

“Cun tu le fa nan ngeih tik le ram chungah nan tar tikah, zei mui a lomi hmanh si ai kun, suaimi siasal sernak in le Bawipa nan Pathian hmai i thil ṭhalo tuahnak in nan i thurhnawmhter i a thin nan hunter ahcun,

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.