DEUTERONOMI 30:1 - Lai (Hakha) Common Language Bible 2006

¹ “Cun mah thil vialte, thluachuahnak le chiatnak hna, nan hmaiah ka chiahmi hna hi nan cungah a tlun i, Bawipa nan Pathian nih an dawi hnanak miphun vialte hna lakah cucu nan hun hngalh ṭhan hna i,

DEUTERONOMI 30:1 Խաչաձեւ Հղումներ

DEUTERONOMI 30:15

“Zohhmanh, nihin ah nannih hmaiah nunnak le ṭhatnak, thihnak le vanchiatnak kha ka chiah.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —

DEUTERONOMI 29:28

Cun Bawipa nih a thinhunnak, a thinphawhnak le a thinlinhnak in an ram in a phawi hna i nihin ah a si bang hin ram dang ah a hlonh hna,’ an ti lai.

LUKA 15:17

A donghnak ah cun a lung a hung fim i, ‘Ka Pa kuli vialte hmanh nih ei cawk loin ei awk an ngei, kei vial hika ah hin rawlṭam in ka thi cuahmah.

EZEKIEL 18:28

A sualnak kha an sining tein a hmuh hna i a hnulei a mertak hna ahcun, a nung lai, a thi lai lo.

ISAIAH 46:8

Nannih misual mi hna, hihi philh hlah u; ka tuahmi kha ruat u.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.

JEREMIAH 8:3

Hi miphun ṭhalo chungin a nungmi paohpaoh nih hin, ka ṭhawl hnanak hmun kip ah, nun nakin thih an duh deuh lai,” tiah Ralkapbu Bawipa nih a ti.

GENESIS 4:14

Hi ram le nangmah hmaika in na ka ṭhawl i kei cu mivakvai ka si cang lai i a ka hmumi paoh nih an ka thah lai,” tiah a leh.

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

DEUTERONOMI 28:28

Bawipa nih hruhnak le mitcawtnak le molhnak in an hrem hna lai i,

DEUTERONOMI 29:27

Cucaah hi ram cungah Bawipa thinhunnak cu a alh i hi cauk chung i aa ṭialmi chiat vialte cu an cungah a tlung.

1 SIANGPAHRANG 8:34

van ah khin rak theihpiak hna law na mi Israel mi sualnak cu ngaithiam ko, cun an pupa hna sinah na rak pekmi ram ah khan kirpi ṭhan ko hna.

2 CHANRELNAK 30:9

Zeitintiah nannih nih Bawipa sinah khan nan kir ṭhan ahcun nan unau hna le nan fale hna nih khan annih a tlaitu hna sin khan zaangfahnak an hmuh lai i hi ram ah hin an kir ṭhan lai. Zeicahtiah Bawipa nan Pathian cu velngeih thiam le zaangfah thiam a si i amah sinah nan kir ṭhan ahcun nannih kha khuadang an hoitak hna lai lo,” tiah a ti.

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

ZEKHARIAH 10:9

Miphun dangdang hna sinah ka ṭhek hna, Asinain ram hlapi ah cun an ka hngalh ṭhiamṭhiam ko lai i An fale kha an cawm hna lai i an ra kir lai.