DEUTERONOMI 3:4 - Lai (Hakha) Common Language Bible 2006

⁴ Cun khi caan ah a khua vialte cu kan lak dih hna — annih sinin kan lak lomi khua pakhat hmanh a um lo — khua sawm ruk, mah cucu Argob ram a dihlak, Bashan ram i Og pennak cu a si.

DEUTERONOMI 3:4 Խաչաձեւ Հղումներ

1 SIANGPAHRANG 4:13

Ramoth-gilead ah Bengeber (amah nih Manasseh fapa Jair i a khua hna, Gilead i a ummi hna kha a ngeih hna i cun Bashan i a ummi Argob peng khua ngan sawm ruk vampang le dar kothrolh a ngeimi hna a ngeih hna);

JOSHUA 12:4

Cun, Refaim mi lakin a taangmi pakhat Bashan siangpahrang Og zong. Amah cu Ashtaroth le Edrei khua ah a um.

NAMBAR 21:35

Cucaah a fapa hna le a mi vialte hna he, amah caah a taangmi pakhat hmanh um lo tiangin, amah cu an thah i a ram cu an rawlh.

DEUTERONOMI 3:3

Cucaah Bawipa kan Pathian nih Bashan siangpahrang Og zong cu le a mi vialte hna cu kan kut chungah a kan pek i amah caah a tangmi pakhat hmanh an um lo tiangin amah cu kan tuk.

DEUTERONOMI 3:5

Mah khua vialte hna hi, hau a ngei lomi khuate tampi hna hleiah hau sang pipi in kulhmi le kutka le hrenhnak a ngeimi an si.

DEUTERONOMI 3:13

Gilead ram a taang rihmi le Og pennak Bashan ram a dihlak cu, mah cucu Argobram a ningpi in, Manasseh phun cheu kha ka pek. (Khi Bashan cu a ningpi in Refaim mi hna ram tiah ti a si.

DEUTERONOMI 3:14

Manasseh phunmi Jair nih Argob ram vialte cu a lak dih, mah cucu Bashan kha a si, Geshur mi hna le Maakath mi hna ramri tiang khan; cun khuate hna cu amah min a sak hna i tu chan tiangin Havvoth-jair tiah ti a si.)

DEUTERONOMI 4:47

Cun amah ram le Bashan siangpahrang Og ram cu an lak hna, Amor mi hna siangpahrang Jordan tiva ral nichuahlei ah a ummi pahnih;