DEUTERONOMI 3:28 - Lai (Hakha) Common Language Bible 2006

²⁸ Asinain Joshua cu nawl pe tuah, amah cu forh law, thazang pe tuah, zeitintiah hi mi hna lu ah hin a kal lai i na hmuh laimi ram cu a coter hna lai,’ a ka ti.

DEUTERONOMI 3:28 Խաչաձեւ Հղումներ

DEUTERONOMI 31:3

Bawipa nan Pathian cu amah hrimhrim nan hmaiah a kal lai; hi miphun hna cu nan hmaiah a hrawh hna lai, cucaah nan pawnchuah hna lai; Joshua nih hmai an sak hna lai, Bawipa nih a chim bang khan.

DEUTERONOMI 31:23

Cun Bawipa nih Nun fapa Joshua kha rian a pek i, “Ṭhawng law, na ral ṭha tuah; zeitintiah Israel fale hna cu annih pek awkah chiat ka sermi ram chungah na luhpi hna lai; nangmah sinah ka um lai,” tiah a ti.

DEUTERONOMI 31:7

Cun Moses nih Joshua cu a kawh i Israel mi vialte hna hmaiah a sinah, “Ṭhawng law, ralṭha in um tuah, zeitintiah Bawipa nih annih kha pek awkin an pupa hna sinah chiat a rak sermi ram chungah khan, hi mi hna he hin na kal lai i, annih cu na coter hna lai.

DEUTERONOMI 1:38

nangmah an bultawltu Nun fapa Joshua cu a lut lai; amah kha thazang pe tuah, zeitintiah amah nih Israel cu, cu ram cu a coter lai.

LAMKALTU 7:45

Cun a hnu deuh ah a kan hringsortu hna nih kan thlam cu an pupa hna sin khan an lak i Joshua sin i an kal ah khan an i kalpi; an hmai in Pathian nih a dawimi hna ram kha an va lak tikah, thlam kha an i kalpi lengmang i cuka ah cun David chan tiang kha a um.

HEBRU 4:8

Joshua nih Pathian dinhnak chungah khan a rak luhpi hna ahcun, cu hnuah cun Pathian nih, ni dang, timi kha a chim ti hnga lo.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

1 CHANRELNAK 22:6

Cun a fapa Solomon cu a auh i Bawipa, Israel Pathian ca i inn sak cu a cungah a hluai.

JOSHUA 1:2

“Ka sal Moses cu a thi cang; cucaah nangmah le hi mi vialte hna hi tho u law, hi Jordan tiva hi tan u law, anmah, Israel mi hna ka pek laimi ram chungah cun lut tuah u.

DEUTERONOMI 1:37

Nanmah ruangah Bawipa cu keimah cung zongah a thin a hung i, ‘Nangmah zong khika ah na lut ve lai lo;