DEUTERONOMI 29:9 - Lai (Hakha) Common Language Bible 2006

⁹ Cucaah nan tuahmi kip ah khuaawng nan pemh nakhnga, hi biakamnak bia hna hi ṭha tein tuah hna u.

DEUTERONOMI 29:9 Խաչաձեւ Հղումներ

1 SIANGPAHRANG 2:3

cun zei na tuahmi paoh ah le khuazeilei paoh i naa mernak ah na hlawhtlin nakhnga, Moses phungbia chungah aa ṭial bangin Bawipa na Pathian bia beuhmi kha na zulh hna lai i amah lam kha na zulh hna lai i a nawlbia hna le a phungbia hna le a phunglam hna le a hngalhternak bia hna kha na ulh hna lai;

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, ‘Hi a nganmi miphun hi a fim le a hngalhthiammi an si hrimhrim ko,’ an ti lai.

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

JOSHUA 1:7

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

DEUTERONOMI 29:1

Horeb tlang i annih he biakamnak a rak tuahmi hleiah khan, Moab ram chungah Bawipa nih Israel mi hna sinah Moses cu biakamnak a sertermi chung i bia hna cu mah hi an si.

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

SALM 25:10

A biakam le nawlbia a zulmi vialte cu, dawtnak in a hruai hna i zumhawktlak tein a kalpi hna.

DEUTERONOMI 29:10

Nihin ah nannih cu nan dihlak in, nan phun lu cio hna le nan upa hna le nan bawi hna le Israel mi pa vialte hna le

JOSHUA 1:8

Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.

2 CHANRELNAK 31:21

Cun Pathian inn rian le phungbia le nawlbia he aa tlak in a tuahmi rian vialte ah, Pathian a kawlnak ah, a lungthin dihlak in a ṭuan i khua awng a tong.

DEUTERONOMI 5:3

Hi biakamnak cu Bawipa nih kan pupa hna he a ser a si lo, sihmanhsehlaw nihin ah hika i a nung rihmi kannih kan dihlak he hin a ser a si.

DEUTERONOMI 31:12

Mizapi cu, pa, nu, ngakchia le nan khua chung khual hna cu, annih nih an theih i Bawipa nan Pathian ṭih kha an thiam i hi phungbia chung bia vialte kha ṭha tein an tuah nakhnga le,

JOSHUA 8:35

Moses nawl pekmi chungin, Israel mi aa pummi vialte le nu le ngakchia le an sin i a ummi mipem hna hmaiah, Joshua nih a rel lomi bia pakhat hmanh a um lo.

JOSHUA 24:1

Cun Joshua nih Israel miphun vialte kha Shekhem ah a pumh hna i Israel mi upa hna le lu hna le biaceihtu hna le bawi hna kha a auh hna; cun Pathian hmaiah an hung chuak.

2 CHANRELNAK 20:13

Cu lioah cun Judah mi vialte hna cu an ngakchia hna le an nupi le an fale hna he, Bawipa hmaiah khan an dir.