DEUTERONOMI 28:53 - Lai (Hakha) Common Language Bible 2006

⁵³ Nan ral hna nih vansang au in an in hren hna lai caah, Bawipa nan Pathian nih an pekmi hna nanmah pum chung chuakmi hrimhrim, nan fanu hna le nan fapa hna sa cu nan ei lai.

DEUTERONOMI 28:53 Խաչաձեւ Հղումներ

ṬAHNAK HLA 4:10

Nu nunnem tete hna nih khan anmah kut in an fale kha an chumh hna; Ka mi hna cu hliam an si ni ah cun an fale lila cu an rawl ah an cang ko.

ṬAHNAK HLA 2:20

Bawipa, run zoh law run hmu tuah; Hi bantukin na hremmi hi ahodah a si? Nu nih an paw theitlai, Him tein an hrinmi cu an ei ko hna lai maw? Tlangbawi le profet hna cu Bawipa hmunthiang chungah thah an si ko lai maw?

JEREMIAH 19:9

Cun khika i a ummi hna cu anmah fale sa lila kha ka eiter hna lai. An ral hna le annih thah a duhmi hna nih an kulh hna tikah, an umtuning kha a har tuk hringhran lai caah pakhat le pakhat kha an i ei lai.

LEVITIKAS 26:29

Nan fapale sa kha nan ei lai i nan fanule sa kha nan ei lai.

DEUTERONOMI 28:57

Ral nih an khua kha an hren tikah ei awk zeihmanh a um lai lo caah a hrintharmi a fano le a phei le a phei kar in a chuakmi a hlam hmanh kha a thli tein a ei hna lai.

EZEKIEL 5:10

Cucaah maw Jerusalem, na chungah hin pale nih an fale kha an ei hna lai i fale nih an pale kha an ei hna lai; na cungah hin biakhiahnak ka tuah lai i na chung i a tangmi hna paoh cu khuazakip ah ka ṭhek dih hna lai.

DEUTERONOMI 28:55

nan ral hna nih nan khua kip ah vansang au in an in hren hna lai caah, a ei liomi a fale sa kha ahohmanh kha a pe hna lai lo, zeicahtiah a caah zeihmanh a taangmi a um ti lo.

MATTHAI 24:19

Cu caan ah cun fapawi nu hna le nau no ngeimi nu hna caah a har hringhran lai.

DEUTERONOMI 28:18

Nan pum theitlai le nan vawlei theitlai le nan saṭil karhnak le nan tuurun fano hna cu chiat an tong lai.

DEUTERONOMI 28:54

Nanmah lak i mi nunnem bik le mitluangtlam bik zong nih a unau kha siseh, a dawtmi a nupi siseh, a tang rihmi a fale hna si hna seh, rawl kha a sianh hna lai lo;