DEUTERONOMI 28:12 - Lai (Hakha) Common Language Bible 2006

¹² Nan ram ruah cu amah caan te ah surter awk le nan kut rianṭuanmi cu thluachuah pek awkah, Bawipa nih a ro khonnak hmun ṭha, van hna cu, an hunpiak hna lai. Miphun tampi cu nan coih hna lai, sihmanhsehlaw ahohmanh nan cawi hna lai lo.

DEUTERONOMI 28:12 Խաչաձեւ Հղումներ

DEUTERONOMI 15:6

Zeitintiah bia an kam hna bangin Bawipa nan Pathian nih thluachuahnak an pek hna lai i miphun tampi kha nan cawih hna lai; sihmanhsehlaw nan cawi hna lai lo; miphun tampi kha nan uk hna lai, sihmanhsehlaw annih nih cun an in uk hna lai lo.

DEUTERONOMI 15:10

Lungtho tein nan pek lai i nan pek tik zongah nan lung chungin nan uam lai lo, zeicahtiah hi caah hin pei Bawipa nan Pathian nih nan rian vialte le nan tuahmi vialte ah thluachuahnak an pek hna lai cu.

DEUTERONOMI 11:14

nannih nih nan rawl le nan mitsur hang le nan chiti kha nan pumhkhawmh khawh hna nakhnga, nan ram caah ruah cu anmah caan te cio ah, tuan deuh ruah le tlai deuh ruah hna cu, an pek hna lai.

LEVITIKAS 26:4

nan ruahpi cu an caan te ah kan pek hna lai i ram nih hin tirawl an chuahpiak hna lai i nan lo chung thing hna nih thei an tlai lai.

PHUNGTHLÛKBIA 22:7

Mirum nih misifak kha an uk hna, cawitu cu coihtu sal a si.

DEUTERONOMI 14:29

cun, Bawipa nan Pathian nih nan kut rian nan tuahmi vialte ah thluachuahnak an pek hna nakhnga, nan khua chungah a ummi Levi mi hna, annih cu nannih sinah covo le ro an ngeih lo caah, le mipem le pangeilo le nuhmei hna nih cun an rat i an ei i an khim nakhnga nan chiah hna lai.

SALM 135:7

Vanhramdeng in khuadawm kha a ratpi hna, thlichia chungin ṭek kha a chuahter i a thil khonnak inn chungin thli kha a chuahter.

DEUTERONOMI 28:44

An in coih hna lai i nannih tu nih cun nan coih hna lai lo; lu an si lai i nannih cu mei nan si lai.

JOB 38:22

“Hawhra khonnak inn kha na lut bal maw? Rial khonnak inn kha na hmu bal maw?

DEUTERONOMI 23:20

Ramdangmi tu cu a miak in nan cawih khawh hna lai; co awkah nan va luhhnawhmi ram chung i nan thil tuahmi kip ah Bawipa nan Pathian nih thluachuah an pek hna nakhnga, nan unau hna cu miak um in nan cawih hna lai lo.

DEUTERONOMI 28:24

Nan loh dih hlantiang Bawipa nih nan ram ruah cu leidip ah a canter lai i van in nan cungah thetse a sur lai.

1 SIANGPAHRANG 18:1

Caan saupi hnuah, a kum thumnak ah khin Bawipa bia cu Elijah sinah a ra i, “Va kal law Ahab sinah vaa langh tuah; cun vawlei cungah ruah ka surter lai,” tiah a ti.

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.