DEUTERONOMI 28:11 - Lai (Hakha) Common Language Bible 2006

¹¹ Bawipa nih nanmah pek awkah nan pupa hna sinah chiat a rak sermi ram chungah khan Bawipa nih nan pum theitlai le nan saṭil theitlai le nan vawlei theitlai ah tam piin an rumter hna lai.

DEUTERONOMI 28:11 Խաչաձեւ Հղումներ

DEUTERONOMI 30:9

Bawipa nih nan pupa hna kha a rak lawmh hna bangin, nannih rumter awk kha a duh ṭhan lai caah, Bawipa nan Pathian nih nan kut rian vialte le, nan pum theitlai le, nan saṭil karhnak le nan vawlei theitlai ah tam piin an rumter hna lai;

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

DEUTERONOMI 28:4

Nan pum theitlai le nan vawlei theitlai, nan saṭil theitlai, nan caw karhnak le nan tuu punzamnak cu thluachuah pek a si lai.

LEVITIKAS 26:9

Cun nannih cu hmaizahnak kan pek hna lai i kan punzamter hna lai i kan karhsoter hna lai i, nannih he ka biakamnak kha ka fehter lai.

SALM 132:11

David sinah biakamnak fek pakhat, na let ṭhan lo dingmi kha na rak ser, cu na biakamnak cu hihi a si: “Na fapa pakhat cu siangpahrang ah ka ser lai i na hnuah amah cu uktu bawi a rung si lai.

JOB 19:17

Ka thawchuah cu ka nupi caah hnahnawk a si i Ka unau hrimhrim hna caah khan fihnung ka si cang.

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 7:13

an dawt hna lai, thluachuah an pek hna lai i an karhter hna lai; nan pupa hna sinah nannih kha pek awkin chiat a sermi ram chungah hin nan pum theitlai le nan vawlei theitlai, nan rawl le nan mitsur hang le nan chiti, nan cawfa hna le nan tuufa hna zong, thluachuah a pek hna lai.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

SALM 127:3

Fale hi Bawipa sinin kan hmuhmi ro an si, thluachuah a kan pekmi an si.