DEUTERONOMI 28:1 - Lai (Hakha) Common Language Bible 2006

¹ “Bawipa nan Pathian aw kha nan ngaih i nihin ah kan pekmi hna nawlbia vialte cu ṭha tein nan tuah ahcun, vawleicung miphun vialte hna cungpi ah khin Bawipa nan Pathian nih an chiah hna lai.

DEUTERONOMI 28:1 Խաչաձեւ Հղումներ

ISAIAH 1:19

Ka bia nan ka ngaih paoh ahcun, ram nih a chuahtermi thil ṭha kha nan ei hna lai.

EXODUS 23:22

Asinain amah bia kha nan ngaih i ka chimmi vialte kha nan tuah ahcun, nan ral kha keimah nih kan dohpiak hna lai i an dotu hna a dohtu kha ka si lai.

JOHAN 15:14

Kan fialmi hna nan tuah ahcun nannih cu ka hawile nan si.

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

SALM 91:14

Pathian nih, “A ka dawmi cu ka khamh hna lai i a ka hngalmi cu ka huhphenh hna lai.

DEUTERONOMI 15:5

Bawipa nan Pathian aw kha nan ngaih i nihin ah kan pekmi hna nawlbia vialte hi ralring tein nan tuah paohpaoh ahcun Bawipa nih thluachuah an pek hrimhrim hna lai.

DEUTERONOMI 11:13

“Cun nihin ah nawl kan pekmi hna ka nawlbia, Bawipa nan Pathian dawt le, a rian nan lung dihlak le nan ruahnak dihlak in ṭuan cu, nan zulh hna ahcun,

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

GALATI 3:10

Nawlbia zulh aa bochanmi cu chiatserhnak tangah an um. Zeicahtiah Cathiang nih, “Nawlbia cauk chungah aa ṭialmi a dihlak in a zul zungzal lomi cu Pathian nih chiat a serh hna,” a ti.

LUKA 9:48

annih cu, “Ka min in hi ngakchiate tluninn a onhtu nih keimah tluninn a ka onh a si, cun keimah tluninn a ka onhtu nih keimah a ka thlahtu tluninn a onh kha a si. Zeicahtiah nan lak i a hme bikmi cu a ngan bikmi a si,” tiah a ti.

JEREMIAH 17:24

Sihmanhsehlaw nannih cu ka bia nan ngaih i sabbath ni ah hi khuapi kutka hna chungah hin zei thil hmanh nan luhpi hna lo i khi ni cu thiang tein ul in rian nan ṭuan lo ahcun,

DEUTERONOMI 26:19

cun ka sermi miphun vialte hna cungah thangṭhatnak le minthannak le upatnak ah kan chiah hna lai i, ka chim cang bangin nannih cu Bawipa nan Pathian caah a thiangmi miphun nan si lai,’ a ti,” tiah a ti.

JEREMIAH 11:4

Thir titnak somei a simi Izipt ram in nan pupa hna kha ka chuahpi hna tikah annih he biakamnak ka rak tuah i kha biakamnak bia a zul lomi paoh cu nan cungah chiatserhnak tlung ko seh. Annih cu ka rak thawh hna i, Ka nawl nan ngaih i kan chimh mi hna vialte nan tuah ahcun, ka mi nan si lai i nan Pathian ka si lai, ka rak ti.

SALM 106:3

Amah nawl a zulmi cu mi lunglawm an si, a dingmi thil a tuahmi cu mi lunglawm an si!

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

SALM 148:14

A miphun kha miphun ṭhawng ah a ser hna, cucaah a mi vialte nih an thangṭhat, a dawt ngaingaimi Israel mi nih khan an thangṭhat. Bawipa cu thangṭhat u!

SALM 119:128

Cucaah cun na cawnpiaknak kha ka zulh hna i lam hmaanlo vialte kha ka huat hna.

SALM 119:6

Na nawlbia vialte kha ṭha tein kaa zohchih hna ahcun ningzahnak ka phan lai lo.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

EXODUS 23:25

Bawipa nan Pathian lawng kha nan biak lai i ti le rawl in thluachuahnak kan pek hna lai i nan dam lonak vialte kha kan lakpiak hna lai.

DEUTERONOMI 11:27

nihin i nawl kan pekmi hna Bawipa nawlbia hna cu nan zulh ahcun, thluachuahnak a si lai,

DEUTERONOMI 28:13

Khuazing dang biak awkah orhlei ah siseh, kehlei ah siseh nihin ah kan pekmi hna nawlbia in nan pial lo ahcun, Bawipa nih nannih cu mei ah si loin, lu ah an ser hna lai; a zik ah nan um zungzal lai i a hram ah nan um bal lai lo, — nihin ah kan pekmi hna Bawipa nan Pathian nawlbia kha nan ngaih i fel tein nan ulh ni ahcun, cuticun nan si lai.

1 CHANRELNAK 14:2

Cun David nih, Bawipa nih Israel mi cungah siangpahrang ah a ka fehter cang, ti le a mi Israel mi hna ruangah ka pennak cu sangpi ah hlorh a si cang ti kha a hngalh.

DEUTERONOMI 26:18

Cun Bawipa nih nihin ah nannih kongah hi bangin a thanh cang: ‘Bia kan kam cang hna bantukin nannih cu keimah ca hrimhrim i miphun nan si, cun ka nawlbia vialte kha nan ulh awk a si,