DEUTERONOMI 26:17 - Lai (Hakha) Common Language Bible 2006

¹⁷ Bawipa kongah nihin ah amah cu kan Pathian a si i, amah lam kha kan zulh i, a phungbia le a nawlbia le a phunglam hna kha kan ulh lai i, a aw kha kan ngaih lai, tiah nan ti cang.

DEUTERONOMI 26:17 Խաչաձեւ Հղումներ

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

EXODUS 24:7

Cun biakamnak cauk kha aa lak i mi zapi cu aw thangpi in a relpiak hna i annih nih, “Bawipa nih nawl a kan pekmi vialte cu kan tuah dih lai; amah nawl cu kan zulh lai,” an ti.

2 KORIN 8:5

An tuahmi cu ka rak i ruah ngam lengpi a si, A hmasa bik ah anmah kha Pathian sinah an i pe, cun Pathian hnatlaknak in kan sin zongah an i pe.

ROM 6:13

Cun nan pum a zeihmanh kha thil ṭhalo tuahnak ding caah sualnak kha pe ti hlah u. Thihnak in nunnak ah thawhter ṭhanmi bantukin Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko u.

LAMKALTU 27:23

Zeicahtiah ka biak i a ta ka simi Pathian vancungmi kha zahan ah ka sinah a ra i,

ISAIAH 44:5

“Midang zong nih, pakhat hnu pakhat in, ‘Kei cu Bawipa mi ka si,’ an ti lai i Israel mi chungah khan an i fon lai. An ban ah khan Bawipa min hmelchunhnak kha an ser lai i ‘Kei cu Bawipa mi ka si ve,’ an ti lai,” a ti.

JOSHUA 22:5

Bawipa sal Moses nih, Bawipa nan Pathian cu dawt awk le, a lam vialte kha zulh awk le, a nawlbia hna kha tuah awk le, amah sinah i bek awk le, amah cu nan lung dihlak le nan thlarau vialte in a rianṭuan awkah nawl an pekmi hna nawlbia le phungbia cu tuah awkah ṭha tein i ralring tuah u,” tiah a ti hna.

DEUTERONOMI 30:16

Nihin ah kan pekmi hna Bawipa nan Pathian i a nawlbia cu, Bawipa nan Pathian kha dawtnak in le a lam zulhnak in le a nawlbia le a phungbia le a phunglam hna kha zulhnak in nan ngaih ahcun, nan nung lai i nan karh lai, cun co awkah nan luhhnawhmi ram ah nan luh tikah Bawipa nan Pathian nih cu ram ah cun thluachuahnak an pek hna lai.

DEUTERONOMI 15:5

Bawipa nan Pathian aw kha nan ngaih i nihin ah kan pekmi hna nawlbia vialte hi ralring tein nan tuah paohpaoh ahcun Bawipa nih thluachuah an pek hrimhrim hna lai.

DEUTERONOMI 13:18

a thinhunnak ṭihnung khan aa mer lai i zaangfahnak kha an pek hna lai i nan pupa hna sinah chiat a ser bang khan a vel kha a karhter lai.

EXODUS 20:19

Moses kha an thawh i, “Nangmah nih bia cu kan chim ko, na chimmi cu kan ngaih ko lai, sihmanhsehlaw Pathian nih a kan chimh ahcun kan thi lai,” an ti.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

2 CHANRELNAK 34:31

Cun siangpahrang cu amah hmun ah khan a dir i, Bawipa kha zulh awk le a nawlbia hna le a hngalhternak bia hna le a nawl hna cu a lungthin dihlak le a nunnak dihlak in tuah awk le hi cauk chung i aa ṭialmi biakamnak bia hna cu tuah awkah Bawipa hmaiah cun biakamnak a ser.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

GENESIS 28:21

ka pa inn ah him tein ka kir ṭhan ahcun nangmah cu ka Pathian na si lai.

EXODUS 19:8

Cun mi zapi nih khan an dihlak in, “Bawipa nih a chimmi paoh cu kan tuah dih lai,” an ti. Mi zapi nih an lehnak kha Moses nih khan Bawipa cu a chimh ṭhan.

SALM 48:14

Pathian cu a zungzal in kan Pathian a si i hmailei i a ra ding caan vialte ah a kan hruai lai, tiah nan chimh khawh hna lai.

DEUTERONOMI 27:10

Cucaah Bawipa nan Pathian aw cu nan ngaih lai i nihin ah kan pekmi hna a phungbia hna le a nawlbia hna cu nan ulh hna lai,” tiah an ti.

DEUTERONOMI 29:12

Cu nan dir cu, Bawipa nan Pathian nih, nihin ah chiatser i a tuahmi biakamnak Bawipa nan Pathian biakamnak chungah nan luh nakhnga caah a si.

JOSHUA 24:22

Cun Joshua nih mizapi cu, “Bawipa kha biak awkah nan i thim cang ti biahngaltu cu nanmah lila kha nan si,” a ti hna. Cun annih nih, “Biahngaltu cu kanmah hi kan si,” an ti.