DEUTERONOMI 26:14 - Lai (Hakha) Common Language Bible 2006

¹⁴ mithi ka ngaih lioah cheu hra cheu khat kha zeihmanh ka ei lo i, ka thianlo lioah a zeihmanh kha ka ṭhial lo i, mithi sinah a zeihmanh kha ka pechan lo; Bawipa ka Pathian aw kha ka ngaih i nangmah nih nawl na ka pekmi vialte ningin ka tuah cang.

DEUTERONOMI 26:14 Խաչաձեւ Հղումներ

LEVITIKAS 7:20

sihmanhsehlaw thian lonak a cung i a um lioah Bawipa daihnak thawinak pekchanhmi sa a eimi cu, cu mi cu a miphun sinin hlawt a si lai.

HOSEA 9:4

Midang ram ah cun Bawipa sinah mitsur hang thawinak kha an pechan kho lai lo, an raithawinak zong kha an pe kho lai lo. An raithawinak paoh kha ruakhngah camceh nih a thurhhnawmhtermi rawl bantukin an si lai. An rawl cu rawlṭam damnak ca lawngah a si lai, Bawipa biaknak inn ah kalpi a si lai lo.

LEVITIKAS 21:11

mithi umnak ah a lut lai lo, a pa ruang hmanh ah siseh, a nu ruang hmanh ah siseh, aa thurter lai lo;

LEVITIKAS 21:1

Cun Bawipa nih Moses cu a chawnh i hi bangin a ti: “Tlangbawi hna, Aaron fapa hna cu va chim hna law, annih lakah ahohmanh nih an mi hna lak i mithi ruangah i thurter hna hlah seh.

SALM 106:28

Cun Pathian mi pawl nih khan Peor ah cun Baal kha an biak ve i nunnak a ngei lomi pathian hna sinah rai an thawimi sa kha an ei ve.

MALAKHI 2:13

Mah hihi thil dang pakhat nan tuah rihmi cu a si: nan ṭap nan ai i Bawipa biakṭheng cu nan mitthli in nan ciah, sihmanhsehlaw nan pekchanhmi thil cu zoh a duh ṭhiamṭhiam hna lo i nan sinin nan laksawng cu an cohlang ṭhiamṭhiam hna lo.

EZEKIEL 24:17

Lung ṭhawng in um ko, na ludomh cu naa domh tawn bantukin i domh law na kedan cu i danh tuah. Na hmur cunglei kha i khuh hlah, hnabeidonghnak rawl, timi zong kha ei hlah,” a ti.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 26:13

khi tikah Bawipa nan Pathian hmaiah hi bangin nan chim cio lai, ‘Nangmah nih nawl na ka pekmi na nawlbia vialte ningin, ka inn chungin a thiangmi rawl kha ka chuah cang, cuhleiah Levi mi hna le mipem le pangeilo le nuhmei hna kha ka pek cang hna; na nawlbia zeihmanh ka buar in ka philh hna lo;

DEUTERONOMI 26:15

Na umnak hmun thiang vancung khin run zoh law, kan pupa hna sinah chiat na ser bangin, na mi Israel le na kan pekmi ram, cawhnuk le khuaihliti in a luangmi ram hi, thluachuahnak pe ko,’ tiin nan ti lai.

JEREMIAH 16:7

Mithi ngai hna cu an hna ngamter awkah ahohmanh nih rawl an dumpi hna lai lo i an nu le an pa nih an thihtakmi hna hmanh kha ahohmanh nih hnangamnak hrai kha an pe hna lai lo.

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

DEUTERONOMI 15:5

Bawipa nan Pathian aw kha nan ngaih i nihin ah kan pekmi hna nawlbia vialte hi ralring tein nan tuah paohpaoh ahcun Bawipa nih thluachuah an pek hrimhrim hna lai.

SALM 18:22

A phunglam vialte kha ka zulh i a nawlbia kha zul loin ka um hna lo.