DEUTERONOMI 25:1 - Lai (Hakha) Common Language Bible 2006

¹ “Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,

DEUTERONOMI 25:1 Խաչաձեւ Հղումներ

PHUNGTHLÛKBIA 17:15

Miṭhalo thiamcoh le miding sualphawt hi, an pahnih in Bawipa mithmuh ah fihnung an si veve.

MATTHAI 3:10

Hreitlung nih thingkung cu an hram in a hau dengmang cang hna; thei ṭha a tlai lomi paoh cu hau an si lai i mei chungah paih an si lai.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

HABAKKUK 1:4

Cucaah nawlbia cu san a tlai ti lo i biading cu teitu a si kho ti lo; Miṭhalo nih khan miding mi cu an fimneh hna i cucaah biading cu merh lengmang a si ko cang.

EZEKIEL 44:24

Pakhat le pakhat i siknak a chuah tikah zung ah bia an ceih hna lai i bia cu ka phung ning zulh in an khiah hna lai. Caan ngei in tuahmi ka puai dihlak ah ka phung le ka nawlbia kha an zulh hna lai. Ka sabbath kha thiang tein an ulh hna lai.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

2 SAMUEL 23:3

Israel Pathian nih a chim cang, Israel lungpi nih a ka chimh cang: Uktu nih mi kha dinnak in a uk hna i Pathian ṭih buin a uk hna tikah,

EXODUS 22:9

“Thilri cuhnak kong ah, an i cuhmi cu cawtum siseh, laa siseh, tuu siseh, hnipuan siseh, zei thil a tlaumi paoh zong a si ah, an bia cu Pathian hmaiah chuahpi a si lai. Pathian nih sual a phawtmi nih khan a dang pa kha a let in a rulh lai.

DEUTERONOMI 17:11

cawnpiaknak an in pek hna ning le biakhiahnak an in thanhmi hna ning tein nan tuah lai; annih nih an in thanhmi hna biakhiahnak khan orhlei ah siseh kehlei ah siseh nan pial lai lo.

DEUTERONOMI 24:22

Izipt ram ah sal nan rak si kha nan hngalh camcin lai; cucaah mah hihi tuah awkah nawl kan pek hna.

1 SIANGPAHRANG 8:32

khi tikah nang nih van in run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ning khan pek awkah thiam run coter ko.

ISAIAH 5:20

Nan lo cang! Thil ṭha cu thil ṭhalo nan ti i thil ṭhalo cu thil ṭha nan ti. Khuamui kha khuaceu nan ti i khua ceu kha khua mui nan ti. A kha mi kha a thlum nan ti i a thlummi kha a kha nan ti.

ṬAHNAK HLA 3:35

Cung Nung Bik zeirello in um i mi cu an hmuhtheih awk hnga a simi chuh le

ṬAHNAK HLA 3:36

Zung chung i biading merh hna hi Bawipa nih a hnatlakpimi an si bal lo.