DEUTERONOMI 24:19 - Lai (Hakha) Common Language Bible 2006

¹⁹ “Nan lo chung i rawl nan ṭuan tikah, lo chungah cun faphal pakhat nan philh ahcun lak ṭhan awkah va kal hlah u; mipem le pangeilo le nuhmei caah a si lai, nan kut rianṭuanmi kip ah Bawipa nan Pathian nih thluachuahnak an pek hna lai.

DEUTERONOMI 24:19 Խաչաձեւ Հղումներ

LEVITIKAS 23:22

“Cun nan ram rawl nan ṭuan tikah nan lo cu a pawngri tiangin nan ṭuan lai lo, nan rawl ṭuan hnuah a mua zong nan sua lai lo; sifak le khual caah nan nganh hna lai: keimah cu Bawipa nan Pathian ka si,” tiah a ti.

DEUTERONOMI 14:29

cun, Bawipa nan Pathian nih nan kut rian nan tuahmi vialte ah thluachuahnak an pek hna nakhnga, nan khua chungah a ummi Levi mi hna, annih cu nannih sinah covo le ro an ngeih lo caah, le mipem le pangeilo le nuhmei hna nih cun an rat i an ei i an khim nakhnga nan chiah hna lai.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

LUKA 6:38

Midang kha thil va ṭhen hna u, nannih zong Pathian nih an ṭhenh ve hna lai: liam thluahmah in, nan i chap khawh chungin, nan zawi khawh le khawh loin nan kut chungah an thlet hna lai. Midang ca i nan hmanmi tahnak rel kha Pathian nih nanmah ca zongah a hman ve lai,” tiah a ti.

ISAIAH 32:8

Sihmanhsehlaw lihchim lomi nih cun thil a tuah tikah lihchim lo tein a tuah i a hmaanmi thil kong ah khan fek tein a dir.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

JOB 42:12

Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

DEUTERONOMI 26:13

khi tikah Bawipa nan Pathian hmaiah hi bangin nan chim cio lai, ‘Nangmah nih nawl na ka pekmi na nawlbia vialte ningin, ka inn chungin a thiangmi rawl kha ka chuah cang, cuhleiah Levi mi hna le mipem le pangeilo le nuhmei hna kha ka pek cang hna; na nawlbia zeihmanh ka buar in ka philh hna lo;

RUTH 2:16

Cun a tom chung hna zong khan zuhpiak u law, kaltak hna u law, hun i suat seh, caa hlah u,” tiin nawl a pek hna.

DEUTERONOMI 15:10

Lungtho tein nan pek lai i nan pek tik zongah nan lung chungin nan uam lai lo, zeicahtiah hi caah hin pei Bawipa nan Pathian nih nan rian vialte le nan tuahmi vialte ah thluachuahnak an pek hna lai cu.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

PHUNGTHLÛKBIA 14:21

Lunglawmmi si na duh ahcun misifak kha va zaangfah hna, mi zeihmanh zeirello i um kha sualnak a si.

DEUTERONOMI 24:18

sihmanhsehlaw Izipt ram ah sal nan rak si i khika in Bawipa nan Pathian nih an tlanh hna kha nan hngalh camcin lai; cucaah mah hihi tuah awkah nawl kan pek hna.

RUTH 2:2

Cun Moab minu Ruth nih cun Naomi cu a thawh i, “Lo ah va kal ning law a rak ka zaangfahtu paoh sinah famua ka va sua lai,” tiah a ti. Cun anih nih, “Va kal ko, ka fanu,” tiah a ti.