DEUTERONOMI 24:17 - Lai (Hakha) Common Language Bible 2006

¹⁷ “Mipem siseh, pangeilo siseh, a hmuh awk hnga biading cu nan merhpiak lai lo, nuhmei puan zong biahrennak ah nan la lai lo;

DEUTERONOMI 24:17 Խաչաձեւ Հղումներ

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

DEUTERONOMI 27:19

“ ‘Mipem le pangeilo le nuhmei nih an hmuh awk hnga a simi biading a merhtu cu chiat seh,’ tiah an thanh lai. Cun mi vialte nih, ‘Amen’ an ti lai.

EXODUS 23:6

“Nan lak i misifak pakhatkhat kha taza cuai a si ahcun, a bia kha ding tein ceihpiak ko u.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

JEREMIAH 5:28

An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

DEUTERONOMI 1:17

Biaceih tikah duhdanh nan ngei lai lo; mi hme siseh, mi ngan siseh, aa tluk in nan ngaihpiak hna lai; minung hmai kha nan ṭih lai lo, zeitintiah biakhiahnak cu Pathian ta a si; cun nan ca i a har tukmi bia cu ka sinah nan ratpi lai keimah nih ka ngaih lai,’ tiah nawl ka pek hna.

EXODUS 23:9

“Ramdang mi kha nan zawmhtaih hna lai lo, nannih zong Izipt ram ah ramdang mi nan rak si caah ramdang mi si cu zei bantuk dah a si ti kha nan hngalh.”

EXODUS 23:2

Ṭhat lonak tuah ah an tam deuh ai pat tiin a tam deuh leiah khan va ṭang hlah, cun biaceihnak ah a tam deuh lawmhnak a si paoh ahcun tiin dinnak a khamtu tehte va si hlah.

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?

LUKA 3:14

Ralkap zong kha an ra i, “Kannih tah zeitin? Zeidah kan tuah awk cu a si ve lai?” an ti. Annih cu a thawh hna i, “Ahohmanh hramhram in tangka va chut hna hlah u; va tlerhkhonh fawn hna hlah u. Nan lahkhah ah khan nan lung va tling ko u,” tiah a ti hna.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

ZEKHARIAH 7:10

ngakṭah le nuhmei, ramdangmi le sifakmi kha serhsat hna hlah u, pakhat le pakhat nan cungah ṭhat lonak kha i tlunter hlah u,” a ti.

EZEKIEL 22:29

Zapi kha mipuar le mifir an si, vanchiami le sifakmi kha an serhsat hna i ramdangmi cungah ding loin khua an sa i an puar.

EZEKIEL 22:7

mi nih an nu le an pa hna kha an serhsat hna, ramdangmi kha an hrem hna i ngakṭah le nuhmei kha an rial hna.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

ISAIAH 33:15

A dingmi thil kha na chim i na tuah ahcun na celh ko lai. Na lianhngannak cu misifak hlennak ah khan hmang hlah law ziknawh kha la hlah. Lainawnnak tuah awk le thil dang a ṭha lomi tuah awkah khua a khangmi kha kom hna hlah.

ISAIAH 3:15

Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

PHUNGTHLÛKBIA 31:5

Annih nih an din tikah upadi kha an philh i harnak a ingmi hna nih an hmuh awk hnga thil a simi kha zeirello in an um.

DEUTERONOMI 24:13

ni a tlak tikah biahrennak thil cu na khirh ṭhan lai, a puan chungah a ih i thluachuahnak an pek nakhnga; mah cucu Bawipa na Pathian hmaiah na caah dinnak a si lai.

DEUTERONOMI 24:6

“Ahohmanh nih rawlrialnak siseh rawlrialnak a cunglei lung siseh nan i hrenpiak lai lo, zeitintiah mah cucu minung nunnak hrenpiak a si ko.

LEVITIKAS 19:33

“Khual pakhatkhat nih nan ram ah an pem hna tikah a cungah ṭhat lonak nan tuah lai lo.

DEUTERONOMI 24:18

sihmanhsehlaw Izipt ram ah sal nan rak si i khika in Bawipa nan Pathian nih an tlanh hna kha nan hngalh camcin lai; cucaah mah hihi tuah awkah nawl kan pek hna.

JOB 22:6

Na unau nih an cawimi tangka ruangah khan a puan kha na chuh i aih awk zeihmanh ngei loin na chiah.

JOB 24:3

Ngakṭah kha an laa an chuh hna i nuhmei kha an leiba a cham hlantiang an cawtum kha an hren.

EXODUS 22:20

“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.