DEUTERONOMI 24:13 - Lai (Hakha) Common Language Bible 2006

¹³ ni a tlak tikah biahrennak thil cu na khirh ṭhan lai, a puan chungah a ih i thluachuahnak an pek nakhnga; mah cucu Bawipa na Pathian hmaiah na caah dinnak a si lai.

DEUTERONOMI 24:13 Խաչաձեւ Հղումներ

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

DEUTERONOMI 6:25

Nawl a kan pek bangin Bawipa kan Pathian hmaiah hi nawlbia vialte cu ṭha tein kan tuah ahcun kannih caah dinnak a si lai,’ tiah na ti lai.

DEUTERONOMI 24:15

ni a tlak hlanah, a ṭuan ni ah cun, a rianṭuan man cu na pek lai (zeitintiah sifak a si i a herh ngaingai ko); cu ti a si lo ahcun Bawipa kha nangmah kongah a auh lai i na cungah sualnak a si sual lai.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

EFESA 4:26

Na thin a hun ahcun na thinhunnak kha sualnak chung i an luhpitu siter hlah; cun na thinhunnak cu ni tlakter hlah.

AMOS 2:8

Biahrennak ca i an lakmi puan cungah khan biakṭheng pawng kip ah an it i An Pathian inn chungah khan dantatnak in an lakmi zureu kha an din.

EZEKIEL 33:15

khi tikah biakamnak a rak tuahmi kha a pek ṭhan hna i a firmi kha a cham ṭhan hna i palhnak kha a tuah ti lo i nunnak lam phunglam kha a zulh ahcun, a nung lai, a thi lai lo.

EZEKIEL 18:12

midang nupi sinah a sualmi, vanchiami le sifakmi kha a hrem i miramh a hmangmi, leibatu nih biakamnak ca i thil an pekmi a khirh lomi, siasal kha a zohcho i fihnung phung kha a tuah vemi,

EZEKIEL 18:7

Ahohmanh a hrem bal hna lo i leibatu nih biakamnak ca i thil an pekmi kha a khirh zungzal hna, zeitikhmanh ah mi a ramh bal lo. Rawl a ṭammi kha rawl a pek hna i hnipuan a ngei lomi kha hnipuan a pek hna.

ISAIAH 58:8

“Cu ti nan tuah ahcun kan dawt hnanak kha nan cungah zinglei ni ceu bangin a ceu lai i nan hma cu khulrang in a dam lai. Nanmah khamh awkah nan sinah ka um zungzal lai; nan sin i ka umnak nih cun a kam kip in an ven hna lai.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

GENESIS 15:6

Abram nih Bawipa cu a zumh i cu a zumhnak cu Bawipa nih a dinnak ah a cohlanpiak.

EZEKIEL 18:16

A rawl a ṭammi kha rawl a pek hna i hnipuan a ngei lomi kha hnipuan a pek hna.

DEUTERONOMI 24:12

Cun misifak a si ahcun a biahrennak thil chungah cun na it lai lo;

EXODUS 22:25

“Nan lakah khua a sami misifak ka mi hna kha ahohmanh tangka nan cawih hna tikah tangka cawihtu nih an tuah tawn bantukin a karh nan la hna lai lo.