DEUTERONOMI 23:7 - Lai (Hakha) Common Language Bible 2006

⁷ “Edom mi cu nan hua hna lai lo, zeitintiah annih cu nan unau an si; Izipt mi cu nan hua hna lai lo, zeitintiah an ram ah mipem nan rak si.

DEUTERONOMI 23:7 Խաչաձեւ Հղումներ

DEUTERONOMI 10:19

Cucaah mipem kha daw u, zeitintiah nannih kha Izipt ram ah mipem nan rak si.

EXODUS 22:21

“Nannih zong kha Izipt ram ah khan ramdang mi nan rak si ve caah, ramdangmi kha nan serhsat hna lai lo i nan hrem fawn hna lai lo.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

EXODUS 23:9

“Ramdang mi kha nan zawmhtaih hna lai lo, nannih zong Izipt ram ah ramdang mi nan rak si caah ramdang mi si cu zei bantuk dah a si ti kha nan hngalh.”

NAMBAR 20:14

Moses nih Kadesh in Edom siangpahrang sinah lamkal a hei thlah hna i, “Hi bangin nan unau Israel mi nih an ti: Kan cung i vanchiatnak a tlungmi vialte cu na hngalh ko:

GENESIS 25:30

A rawl cu a ṭam i Jakob cu, “Ka rawl a ṭam tuk, kha thil sen kha ka khat in ka pe tuah,” tiah a ti. (Cu ruangah cun Esau cu Edom ti i min sak a sinak cu a si.)

MALAKHI 1:2

“Nannih cu kan dawt hna,” tiah Bawipa nih a ti. Nannih nih nan i thawh i, “Kannih cu na kan dawt maw?” nan ti.

SALM 105:23

Cun Jakob cu Izipt ram ah khan a vung kal i cuka ah cun a vung um.

GENESIS 47:27

Israel mi cu Izipt ram ah khan an um i an rum i fa tampi an ngei.

GENESIS 47:12

Josef nih cun a pa le a unau pawl le a pa innchungkhar chung mi vialte kha a hniang bik tiangin rawl a pek hna.

GENESIS 46:7

a fapa hna he a fapale fa hna he a fanu hna he a fanu fale hna he aa kalpi dih hna.

DEUTERONOMI 23:8

An tefa hna cu chan thum ri in Bawipa mi hna aa pummi chungah cun an lut kho lai.

1 SIANGPAHRANG 11:25

Solomon chan chung vialte amah cu Israel mi ral a si i Hadad nih a tuah bantuk khan hnahnawhnak a tuah ve; amah nih cun Israel mi cu a huat hna i Siria ram kha a uk.

EZRA 9:12

Cucaah nan fanu hna cu an fapa hna kha pe hna hlah u law, an fanu hna zong nan fapa hna caah la hna hlah u, cun kan ṭhawng lai i ram chung thil ṭha cu kan ei hna lai i kan tefa hna cu zungzal ca in ro ah kan roh hna lai tiin annih he remnak siseh, rumnak siseh kawl hlah u,’ tiah na timi kha kan hlawt hna.