DEUTERONOMI 23:5 - Lai (Hakha) Common Language Bible 2006

⁵ Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

DEUTERONOMI 23:5 Խաչաձեւ Հղումներ

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

NAMBAR 24:9

A kun i chiandeih bangin a bawk, Chiandeihpi a lo; aho nih dah an thawh ngam lai? Nanmah thluachuah an petu hna paoh cu thluachuakmi si ve hna seh law, Chiat an serhtu hna paoh cu chiat serh si ve hna seh,” tiah a ti.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

ROM 11:28

Thawngṭha kong in ti ahcun, annih cu Pathian ral an si; Thawngṭha an cohlan duh lo caah — cucu nanmah Jentail mi ṭhatnak caah a si. Sihmanhsehlaw thimnak lei in ti ahcun annih cu an pupa hna ruangah khan Pathian hawikom an si,

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

JEREMIAH 31:3

Lamhlat piin an sinah ka rung lang; Israel mi hna, nannih cu kan dawt zungzal hna i Dong loin kan zohkhenh zungzal ko hna.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

PHUNGTHLÛKBIA 26:2

Hram ngei loin chimmi chiatserhnak cu, aa chawk lengmangmi pithlung bantuk le a zuang lengmangmi vanva bantuk a si, chiatserhmi kha a futhnawh kho lo.

SALM 73:1

Pathian hi Israel mi hna cungah a ṭha taktak ko, lung thiang a ngeimi hna cungah a ṭha taktak ko.

DEUTERONOMI 33:3

A si, a mi kha a dawt hna; Amah sinah thiantermi vialte cu a kut chungah an um; Cucaah na keneh kha an zulh, Nangmah sinin lam hmuhsaknak kha an hmuh,

ROM 9:13

Cathiang nih, “Jakob cu ka dawt i Esau cu ka huat,” a ti bang khan a si.

NAMBAR 22:35

Cun Bawipa vancungmi nih Balaam cu, “Mi hna sinah cun va kal ko, sihmanhsehlaw kan chimhmi bia lawnglawng na chim lai,” tiah a ti. Cucaah Balaam cu Balak bawi hna sinah cun a kal.

MALAKHI 1:2

“Nannih cu kan dawt hna,” tiah Bawipa nih a ti. Nannih nih nan i thawh i, “Kannih cu na kan dawt maw?” nan ti.

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,

JOSHUA 24:10

Sihmanhsehlaw Balaam cu ka ngai duh lo, cucaah thluachuahnak an pek hna; cuticun nannih cu a kut chungin kan chuah hna.

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

NEHEMIAH 13:2

zeicahtiah annih nih Israel mi kha changreu le ti he rak dong loin chiatserh awkah Baalam kha an rak i roih lehlam — asinain, kan Pathian nih chiatserhnak cu thluachuahnak ah a canter.

NAMBAR 22:5

Amaw ram i a ummi, Tiva pawng i a ummi Pethor khuami Beor fapa Balaam cu kawh awkah lamkal a hei thlah hna i, “Zohhmanh, Izipt ram in miphun pakhat an ra chuak i vawlei an khat dih i keimah zawn ah an um cang.

DEUTERONOMI 2:29

Jordan ka tan i Bawipa kan Pathian nih a kan pekmi ram chungah ka luh hlantiang Seir ah a ummi Esau fapa hna le Ar ah a ummi Moab mi hna nih ka cungah an tuah bangin, ka ke in hei ka lanhter men ko,’ tiah ka ti.