DEUTERONOMI 23:23 - Lai (Hakha) Common Language Bible 2006

²³ Nan kaa in a chuak cangmi cu nan tuah hrimhrim lai, zeitintiah nan kaa in nan i kammi cu Bawipa nan Pathian sinah nanmah lungtho tein nan kammi a si.

DEUTERONOMI 23:23 Խաչաձեւ Հղումներ

PHUNGTHLÛKBIA 20:25

Pathian sin pek awk laksawng naa kam hlanah ṭha tein ruat hmasa, a hnuah naa ngaichih sual lai.

LAMKALTU 23:21

Sihmanhsehlaw an bia cu ngai hna hlah, zeicahtiah minung sawm li a thli tein amah a bawhmi kha an um. Kan thah hlanah cun rawl zong kan ei lai lo, ti zong kan ding lai lo, tiah chiat an i serh. Cu tuah dingah cun atu ah hin timhcia tein an um ko i nangmah biakhiahnak kha an in hngak ko,” tiah a ti.

LAMKALTU 23:12

A thaizing ah Judah mi a cheukhat kha hmunkhat ah an i tong i khua an khang. Paul kan thah hlanah cun rawl zong kan ei lai lo, ti zong kan ding lai lo, tiah biakamnak an tuah.

SALM 116:18

Na mi vialte an i pumhnak, Jerusalem khua na Biakinn tual ah cun, na sinah bia kaa kammi kha kan pek lai. Bawipa cu thangṭhat u!

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.

NAMBAR 30:2

Mipa pakhatkhat nih Bawipa sinah biakamnak a tuah ah maw, biakamnak in amah le amah cu i ṭem awkah chiat a ser ah maw, a bia cu a hrawk lai lo; a kaa chungin a chuakmi vialte bang khan a tuah lai.

BIACEIHTU 11:35

Cun a hmuh tikah a puan kha a thleh hna i, “Aize, ka fanu! Na ka niamter ngaingai ai, keimah ca i harnak nganpi tuahtu ah na cang ai; zeitintiah Bawipa sinah ka kaa ka pau cang i ka biakamnak cu ka la ṭhan kho ti lo,” tiah a ti.

MATTHAI 5:33

“Bia nan i kammi kha i let hlah u, Bawipa sinah chiatser in nan i kam cangmi cu nan tuah hrimhrim awk a si, tiah hlanlio mi hna an rak ti hna kha nan theih.

DEUTERONOMI 23:22

Sihmanhsehlaw biakamnak tuah kha nan i sum ahcun, nan caah sualnak a si lai lo.

DEUTERONOMI 23:24

“Nan innpa mitsur dum chungah nan kal tikah nan duh tawk in mitsur tlai cu nan ei lai, sihmanhsehlaw nan sei chungah cun zeihmanh nan khumh lai lo.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

LEVITIKAS 27:2

“Israel mi cu hi bangin va chim hna. Mipa pakhatkhat cu a hleikhun in Bawipa sinah tuahmi biakamnak ruangah Bawipa sinah pek a si ahcun,

JOSHUA 9:18

Sihmanhsehlaw Israel mi nih cun an that hna lo, zeicahtiah aa pummi hruaitu nih khan Bawipa Israel Pathian chalh in an sinah chiat an ser cang. Khi tikah aa pummi vialte nih cu hruaitu hna cungah khan an phunzai.

SALM 50:14

Pathian sinah lawmhnak chim cu nan raithawinak si seh law Lianngan Bik cu kan in pek lai tiah nan i kammi pekchanh awk vialte kha pechan ko u.