DEUTERONOMI 23:11 - Lai (Hakha) Common Language Bible 2006

¹¹ sihmanhsehlaw zanlei a rung si tikah ti in aa kholh lai i ni a tlak tikah riahhmun chungah a lut lai.

DEUTERONOMI 23:11 Խաչաձեւ Հղումներ

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

LEVITIKAS 15:5

Cun ahohmanh a ihkhun cu a tawngmi paoh nih a hnipuan cu a suk hna lai i ti in aa kholh lai i zanlei tiang thianglo a si lai.

LEVITIKAS 14:9

Cun ni sarih ni ah a lu cung sam vialte aa meh dih lai; a khahmul le a mittlang hmul vialte aa meh dih lai. Cun a hnipuan kha a suk hna lai i a pum kha ti in aa kholh lai i amah cu a thiang lai.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

MATTHAI 3:11

Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

SALM 51:2

Ka ṭhat lonak cu ka ṭawlpiak hna law ka sualnak cu ka thianhpiak ko hna.

LEVITIKAS 22:6

cu bantuk a tawngmi cu zanlei tiang thianglo a si lai i a pum cu ti in aa kholh lo ahcun thil thiang cu a ei hna lai lo.

LEVITIKAS 15:13

“Cun thil chuakmi cu a thil chuakmi in a thian tikah amah thianhnak caah ni sarih aa rel lai i a hnipuan a suk hna lai i a luangmi ti ah a pum cu aa kholh lai i a thiang lai.

LEVITIKAS 15:11

Cun thil chuak ngeimi nih a kut ti in tlengh loin mi pakhatkhat a tawngh ahcun a tawnghmi nih khan a hnipuan kha a suk hna lai i ti in aa kholh lai i zanlei tiang thianglo a si lai.

LEVITIKAS 11:25

an ruak in zeipaoh a latu nih a thilpuan a suk lai i zanlei tiang thianglo a si lai.

LEVITIKAS 15:16

“Mipa pakhatkhat cu a ci a chuah ahcun a pum dihlak in ti in aa kholh lai i zanlei tiang thianglo a si lai.

DEUTERONOMI 23:10

Nan lakah ahohmanh zan i amah chungin thil a chuakmi ruangah thurhnawm in a um ahcun, riahhmun lengah a chuak lai, riahhmun chungah a rung lut lai lo,

DEUTERONOMI 23:12

“Riahhmun lengah hmun pakhat nan ngei lai i cu ka ah cun nan kal tawn lai;