DEUTERONOMI 21:5 - Lai (Hakha) Common Language Bible 2006

⁵ Cun Levi fapa hna, tlangbawi hna kha hmaiah an ra chuak lai, zeitintiah Bawipa nih amah rian ṭuan awkah le Bawipa min in thluachuah pek awk caah a thim cang hna i, an bia in tazacuainak vialte le i tukdennak vialte cu biachah a si lai.

DEUTERONOMI 21:5 Խաչաձեւ Հղումներ

1 CHANRELNAK 23:13

Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si.

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

DEUTERONOMI 19:17

taza aa cuaimi cu an phu hnih in Bawipa hmaiah an chuak lai, khi caan i rian a ṭuanmi tlangbawi hna le biaceihtu hna hmaiah cun;

DEUTERONOMI 18:5

Zeitintiah Bawipa nan Pathian nih Bawipa min in dir i rianṭuan zungzal awkah amah le a fapa hna cu nannih nan phun vialte chungin a thim hna.

LEVITIKAS 9:22

Cun Aaron nih mi zapi leiah cun a kut a hler hna i thluachuah a pek hna. Cun sual thawinak le khangh thawinak le daihnak thawinak hna a thawi dih in a rung ṭum.

DEUTERONOMI 21:4

Cun cu khua upa hna nih cun cawla cu, ti a um zungzalnak, leh bal lomi le thlaici cin bal lonak nelrawn ah an kalpi lai i cuka nelrawn chungah cun cawla cu a hngawng an khiah lai.

EZEKIEL 42:13

Cun a ka thawh i, “Tual hmai i a ummi chaklei khaan hna le thlanglei khaan hna kha khaan thiang an si caah cu khaan hna cu Bawipa hmaiah a chuakmi tlangbawi hna nih thawinak thiang bik an einak hna hmun an si lai, cuka khaan hna cu thil thiang bik thawinak — rawl thawinak, sual thawinak le phungbuar thawinak — chiahnak hmun thiang an si lai.

EZEKIEL 44:24

Pakhat le pakhat i siknak a chuah tikah zung ah bia an ceih hna lai i bia cu ka phung ning zulh in an khiah hna lai. Caan ngei in tuahmi ka puai dihlak ah ka phung le ka nawlbia kha an zulh hna lai. Ka sabbath kha thiang tein an ulh hna lai.

2 CHANRELNAK 19:10

khuazei khuami hmanh, thisen chuahnak kong ah siseh, phungbia le nawlbia kong ah siseh, an bia nan sin a phak tikah, annih nih Bawipa hmaiah mawhnak an ton nakhnga lo le nan cung le nan unau hna cungah thinhunnak a tlun nakhnga lo, nannih nih annih cu nan rak cawnpiak hna lai. Cu bantuk cun nan tuah lai i mawhnak nan tong lai lo.