DEUTERONOMI 20:4 - Lai (Hakha) Common Language Bible 2006

⁴ zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

DEUTERONOMI 20:4 Խաչաձեւ Հղումներ

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

DEUTERONOMI 3:22

Nan ṭih hna lai lo, zeitintiah Bawipa nan Pathian cu an dohpiaktu hna a si,’ tiah ka ti.

JOSHUA 23:10

Bawipa nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

DEUTERONOMI 1:30

Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,’ tiah ka ti.

DEUTERONOMI 11:25

Ahohmanh nih an in celh hna lai lo; Bawipa nan Pathian nih bia an kam cang hna bang khan, nan va lamh ding ram vialte cungah khan nanmah ṭihnak le phannak kha a chiah lai.

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

DEUTERONOMI 31:6

Ṭhawng u law, nan ral ṭha ko u, ṭih hlah u, an hmaiah therphang hlah u; zeicahtiah nanmah he a kalmi cu Bawipa nan Pathian a si; an deuh hna lai lo i an hlaw fawn hna lai lo,” a ti.

JOSHUA 10:11

Cun Israel mi hmai i an zaam i Beth-horon i hung kainak in an va liam lioah khin Bawipa nih Azekah tiang vancung in lung ngan pipi a thlakhnawh hna i an thi; Israel mi nih nam in an thahmi hna nakin rial in a thimi cu an tam deuh.

1 SAMUEL 14:23

Cuticun khi ni ah Bawipa nih Israel cu a luatter; raldohnak cu Beth-aven pin tiang a phan.

1 CHANRELNAK 14:15

Cun balsam thing par hna i kal thawng na theih tikah, khi tikah raldohnak hmun ah cun va chuak tuah; Pathian cu na hmaiah, Filistin mi ralkapbu tuk awkah a kal cang,” tiah a ti.