DEUTERONOMI 20:18 - Lai (Hakha) Common Language Bible 2006

¹⁸ zeicahtiah, annih nih an pathian hna biaknak ah an tuah tawnmi thil fihnung hna cu an in cawnpiak sual hna hnga i Bawipa nan Pathian cungah nan sual sual hnga.

DEUTERONOMI 20:18 Խաչաձեւ Հղումներ

EXODUS 23:33

Nan ram chungah cun an um lai lo, ka cungah an in sualter sual hna hnga. An pathian kha nan biak hna ahcun cu nih cun nanmah rawhnak kha a chuahter lai,” a ti.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

2 THESALON 3:14

Hi ca kan in kuatmi hna chung bia a zul duh lomi hi an um ko lai. Cu bantuk mi hna cu an ning a zah nakhnga kom hna hlah u.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

JOSHUA 23:13

Bawipa nan Pathian nih hi miphun hna hi nan hmai in a ṭhawl lan hna lai lo ti kha fiang tein hngal ko u; Bawipa nan Pathian nih an pekmi hna hi ram ṭha chung hin nan loh hlantiang nan caah rap le thang le, nan hnak i tuknak fung le nan mit chung i hling an si lai.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

BIACEIHTU 2:3

Cucaah atu cu, na hmai in ka ṭhawl hna lai lo, ka ti; sihmanhsehlaw na caah dohtu an si lai i an pathian cu na caah rap an si lai,” tiah a ti.

DEUTERONOMI 18:19

Cun ka min in a chim laimi ka bia zei ah a rel lomi paoh cu, keimah hrimhrim nih zeicaahdah a tuah lonak kong kha ka hal lai.

EXODUS 34:12

Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.

DEUTERONOMI 20:17

sihmanhsehlaw Hit mi hna le Amor mi hna le Kanaan mi hna le Periz mi hna le Hiv mi hna le Jebus mi hna cu, Bawipa nan Pathian nih nawl an pek hna bangin nan hrawh cikcek hna lai;

DEUTERONOMI 20:19

“Khua pakhatkhat cu caan saupi nan kulh i lak awkah nan doh tikah, a thingkung hna cu hreitlung i haunak in nan hrawk hna lai lo; an thei cu nan ei hna lai, sihmanhsehlaw nan hau hna lai lo. Lo chung i thingkung hna cu minung maw an si i nannih nih nan kulh hna lai cu?

2 SIANGPAHRANG 21:3

Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

EXODUS 23:32

Anmah he biatlaknak zeihmanh nan tuah lai lo, an pathian hna he zong biatlaknak zeihmanh nan tuah lai lo.

DEUTERONOMI 18:9

“Bawipa nan Pathian nih an pekmi hna ram nan phak tikah, cuka miphun hna nih an tuahmi fihnung cu zulh ve awkah nan cawng lai lo.