DEUTERONOMI 20:16 - Lai (Hakha) Common Language Bible 2006

¹⁶ Sihmanhsehlaw Bawipa nan Pathian nih ro caah an pekmi hna, hi miphun hna khua chung tu ah hin cun, thaw a chuahmi zeihmanh a nung in nan zuah lai lo,

DEUTERONOMI 20:16 Խաչաձեւ Հղումներ

JOSHUA 11:14

Cun hi khua hranchaw vialte hna le saṭil hna cu Israel mi nih hranchaw ah an i lak dih; sihmanhsehlaw mi cu an hrawh dih hna hlantiang nam in an thah hna i thaw a chuahmi pakhat hmanh an ngan ta hna lo.

NAMBAR 33:52

nan hmai in cu ram i a ummi vialte cu nan dawi hna lai i an lung ṭial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai.

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 10:28

Cun khi ni ah Joshua nih Makkedah cu a lak i cu khua le a siangpahrang cu vainam in a sam dih hna; a chung i a ummi paohpaoh cu a thah dih hna, pakhat hmanh a zuah hna lo; cun Jeriko siangpahrang cungah a tuah bang khan Makkedah siangpahrang cungah cun a tuah.

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

NAMBAR 21:35

Cucaah a fapa hna le a mi vialte hna he, amah caah a taangmi pakhat hmanh um lo tiangin, amah cu an thah i a ram cu an rawlh.

JOSHUA 9:27

Sihmanhsehlaw Joshua nih khi ni ah cun aa pummi ca le a thim laimi hmun i Bawipa biakṭheng caah annih cu nihin ni tiangin thing hlamtu le ti thantu ah a ser hna.

JOSHUA 9:24

Annih nih Joshua cu an leh i, “Bawipa na Pathian nih a sal Moses kha hi ram hi a dihlak in nanmah kha pek awk le nan hmai in hi ram chung i a ummi vialte kha hrawh awkah nawl a pek ti kha fiang tein na sal hna kha an kan chimh i, cucaah nanmah ruangah hin kan nunnak kongah kan thin a phan ngaingai caah mah hi kan tuah.

NAMBAR 31:17

Cu a si caah ngakchia hna lak i pa vialte kha that hna u law, pa a hngal cangmi nu vialte kha that hna u.

DEUTERONOMI 20:15

Hika i a ummi miphun hna khua a si lomi, nan umnak in lam hlapi ah a ummi khua vialte hna cu, cu bang cun nan tuah hna lai.

DEUTERONOMI 20:17

sihmanhsehlaw Hit mi hna le Amor mi hna le Kanaan mi hna le Periz mi hna le Hiv mi hna le Jebus mi hna cu, Bawipa nan Pathian nih nawl an pek hna bangin nan hrawh cikcek hna lai;

JOSHUA 6:24

Cun khua cu mei in an khangh, a chung i a ummi thil vialte he; sui le ngun, thir le dar umkheng belte Bawipa inn chawva sinah an chiah hna.

JOSHUA 8:8

Cun khua kha nan lak tikah Bawipa fialnak bangin nan tuah lai, khua cu mei in nan khangh lai; zohhmanh u, nawl kan pek hna hi,” a ti.

JOSHUA 8:25

Cun cu ni ah, nu he pa he, Ai khuami vialte an dihlak in, a thimi cu sang khat le thong hnih an si.

JOSHUA 10:20

Joshua le Israel mi hna nih an ci a mih hlantiang an thah cikcek hna tik le a tangmi tete hna cu kulhmi khua chungah an luh tikah,

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

DEUTERONOMI 4:21

Cuhleiah nanmah ruangah Bawipa cu ka cungah a thin a hung i Jordan cu ka tan nakhnga lo le Bawipa nan Pathian nih co awkah an pekmi hna ram ṭha cu ka luh nakhnga lo, chiat a ser.

DEUTERONOMI 24:4

khi tikah a rak kaltertu a va hmasa nih khan, thurhhnawmh a si hnuah, a nupi si awk caah a la ṭhan ti lai lo; zeitintiah mah cucu Bawipa hmaiah fihnung a si i, ro caah Bawipa nan Pathian nih an pekmi hna ram cungah mawhnak nan tlunter lai lo.

DEUTERONOMI 31:5

Bawipa nih annih cu an pek hna lai i, kan pekmi hna nawlbia vialte bantuk khan an cungah nan tuah lai.

JOSHUA 9:7

Sihmanhsehlaw Israel mi hna nih cun Hiv mi hna sinah cun, “Kanmah lak i a ummi nan si sual men ko hnga; cu ti a si ahcun zeitindah nannih he biakamnak kan tuah khawh lai?” tiah an ti.