DEUTERONOMI 2:8 - Lai (Hakha) Common Language Bible 2006

⁸ Cucaah Seir i a ummi Esau fapale kan unau hna cu kaltak in, Arabah lam kaltak in, Elath le Ezion-geber kaltak in hmailei ah kan kal. “Cun kan i mer i Moab ramlak lei hoih in kan kal.

DEUTERONOMI 2:8 Խաչաձեւ Հղումներ

1 SIANGPAHRANG 9:26

Siangpahrang Solomon nih, Edom ram chung, Rili Sen kam khua Eloth pawng i a ummi Ezion-geber khua ah khan sangphawlawng phu khat a ser.

2 SIANGPAHRANG 16:6

Khi caan ah khan Edom siangpahrang nih Edom caah Elath kha a lak ṭhan i Judah mi kha Elath cun a dawi hna; cun Edom mi cu Elath ah khan an ra i nihin ni tiangin khika ah khan an um.

BIACEIHTU 11:18

Cun ramlak in an kal i Edom ram le Moab ram kha an vel hna i Arnon khattelei kamah an riak; sihmanhsehlaw Moab ram chungah an lut lo, zeitintiah Arnon cu Moab ramri a si.

2 SIANGPAHRANG 14:22

Siangpahrang kha a pupa hna sinah a ih hnuah Elath khua kha a ser i Judah ram chungah a chiah ṭhan.

DEUTERONOMI 1:1

Paran le Tofel, Laban, Hazeroth le Dizahab karlak, Suf zawn Arabah chung, Jordan tiva ral ramlak ah khan, Moses nih Israel mi vialte hna sinah mah bia hi a chimmi cu an si.

NAMBAR 33:35

Abronah in an tho i Ezion-geber ah an riak.

GENESIS 25:23

Bawipa nih cun a rak thawh i, “Na chungah hin miphun pahnih an um. Aa ralmi miphun phun hnih na hrin hna lai, pakhat cu a ṭhawng deuh lai i a upa deuh nih a ngakchia deuh kha a rianh lai,” a ti.

NAMBAR 21:4

Hor Tlang in, Edom ram kha hrial awkah Rili Sen lam kha an tlaih i lam ah mi hna cu an ing a puang.