DEUTERONOMI 2:34 - Lai (Hakha) Common Language Bible 2006

³⁴ Khi caan ah a khua vialte cu kan lak dih i khua vialte cu kan hrawh cikcek hna, pa si hna seh, nu si hna seh, ngakchia si hna seh; pakhat hmanh kan taanter hna lo;

DEUTERONOMI 2:34 Խաչաձեւ Հղումներ

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

DEUTERONOMI 7:2

Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.

DEUTERONOMI 3:6

Heshbon siangpahrang Sihon cung i kan tuah bang khan kan hrawh cikcek hna; khua kip cu kan hrawh hna i pa, nu, le ngakchia cu kan thah hna.

JOSHUA 11:14

Cun hi khua hranchaw vialte hna le saṭil hna cu Israel mi nih hranchaw ah an i lak dih; sihmanhsehlaw mi cu an hrawh dih hna hlantiang nam in an thah hna i thaw a chuahmi pakhat hmanh an ngan ta hna lo.

JOSHUA 7:11

Israel nih a sual cang; nawl ka pekmi hna ka biakamnak cu an buar cang; pekchanhmi thil cu tlawmpal an i lak; an fir i lih an chim i an thil sinah an chiah hna.

DEUTERONOMI 7:26

Cun nan inn chungah thil fihnung nan luhpi lai lo; nan luhpi ahcun chiatserhmi nan si ve sual lai; nan fih hrimhrim lai i nan huat lai, zeitintiah mah cucu chiatserhmi thil a si.

JOSHUA 9:24

Annih nih Joshua cu an leh i, “Bawipa na Pathian nih a sal Moses kha hi ram hi a dihlak in nanmah kha pek awk le nan hmai in hi ram chung i a ummi vialte kha hrawh awkah nawl a pek ti kha fiang tein na sal hna kha an kan chimh i, cucaah nanmah ruangah hin kan nunnak kongah kan thin a phan ngaingai caah mah hi kan tuah.

JOSHUA 6:21

Cun khua chungah a ummi vialte cu, nu he pa he, tar he no he, cawtum, tuu le laa he tiah vainam in an sam dih cikcek hna.

JOSHUA 10:28

Cun khi ni ah Joshua nih Makkedah cu a lak i cu khua le a siangpahrang cu vainam in a sam dih hna; a chung i a ummi paohpaoh cu a thah dih hna, pakhat hmanh a zuah hna lo; cun Jeriko siangpahrang cungah a tuah bang khan Makkedah siangpahrang cungah cun a tuah.

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.