DEUTERONOMI 18:3 - Lai (Hakha) Common Language Bible 2006

³ Cun mah hihi raithawinak a pechanmi hna sinin tlangbawi nih an hmuh awk hnga cu a si lai, cawtum siseh, tuu siseh: tlangbawi cu a liang le a bel pahnih le a pawpi an pek lai.

DEUTERONOMI 18:3 Խաչաձեւ Հղումներ

DEUTERONOMI 12:27

cun nan khangh thawinak hna, sa le thi cu, Bawipa nan Pathian biakṭheng cungah nan pekchanh hna lai; Bawipa nan Pathian biakṭheng cungah nan raithawinak hna thi cu nan thlet lai, sihmanhsehlaw a sa cu nan ei lai.

NAMBAR 18:11

Mah zong hi na ta a si lai, an laksawng an pekchanhmi, Israel mi hna hninh thawinak vialte cu; mah hna hi nangmah le na fapa hna le na fanu hna sinah nan hmuh camcin awkah kan pek cang hna; na inn chung i a thiangmi paoh nih an ei khawh lai.

NAMBAR 18:12

Chiti lakah a ṭha bik le mitsur hang le tirawl lakah a ṭha bik, Bawipa sinah an pekmi thei tlaiter hna cu, nangmah kan pek.

EXODUS 29:27

Aaron le a fapa hna thleidannak caah hmanmi tuukawng chung khan, a i cu thawinak caah na pekchanh lai i tlangbawi hna caah chiahmi a phei zong kha na pekchanh lai. Na pekchanh tikah na kut in na hler hna lai.

EXODUS 29:28

Zungzal a hmunmi ka nawlbia in hi sakhua hi Aaron le a fapa hna nih Israel mi hna sinin an hmuhmi a si lai. Israel mi nih hawikomhnak thawinak timi chungin an pekmi, tlangbawi hna sakhua i chiahpiakmi cu hihi a si; cu an pekchanhmi cu Bawipa sin i an pekmi an laksawng a si.

LEVITIKAS 22:7

Ni a tlak tik in a thiang lai i cu hnuah cun thil thiang cu a ei hna lai, mah cu hna cu a rawl ca an si.