DEUTERONOMI 18:20 - Lai (Hakha) Common Language Bible 2006

²⁰ Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti.

DEUTERONOMI 18:20 Խաչաձեւ Հղումներ

JEREMIAH 27:15

Annih cu ka thlahmi an si lo, hlennak in ka min in bia an chim i cucaah cun nangmah kha kaan dawi lai i na thi lai, nangmah le nangmah sin i bia a chimmi profet hna hi, tiah Bawipa nih a ti,” tiah ka ti.

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

ZEKHARIAH 13:3

Cun profet kha an chuah ṭhan ahcun, an nu le an pa hrimhrim hna nih khan an thawh hna lai i, “Bawipa min in ahmaan lomi bia nan chim caah nan nung ti lai lo,” an ti hna lai. Anmah nih bia kha an chim peng ko ahcun, an nu le an pa hrimhrim nih khan, tleng lakin an chunh hna lai.

EZEKIEL 13:6

Lih lawng kha an chim i ahmaan lomi langhnak lawng kha an hmu. ‘Mah hihi Bawipa bia hrimhrim a si,’ an ti, asinain Bawipa nih annih cu a fial hna lo, asinain an bia cu Bawipa nih a tlinter ko lai, tiah an ruah. Nan profet hna nih hin hlennak langhnak a si lo maw an hmuhmi hi?

JEREMIAH 23:31

Cun anmah bia kha keimah sinin a rami bia a si tiin a timi profet zong kha ka ralchanh hna, tiah Bawipa nih a ti.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

1 SIANGPAHRANG 18:27

Cun chun ah khin Elijah nih cun a nihsawh hna i, “Fak piin au ngat u, pathian pei a si cu; khuadang a ruah lio hoi hna maw a si maw, ka khatkhat ah a kal ta rih i maw a si maw, asiloah, khual a tlawng i dik a si ko lai, aa hngilh i ṭhangh a herh zong a si ko lai dah kaw!” tiah a ti hna.

2 PETER 2:12

Asinain hi hna cu, hei tlaih i hei thah awk men a simi saram bantukin, chuahpimi pumsa duhnak men in thil a timi an si; an hngalh lomi thil kha zeirello in an um hna. Annih cu saram bantukin thah an si lai;

1 SIANGPAHRANG 18:40

Cun Elijah nih annih cu, “Baal profet kha tlai hna u, pakhat hmanh luatter hna hlah u,” tiah a ti. Cun annih nih an tlaih hna i Elijah nih Kishon tivate ah khan a vun kalpi hna i khika ah a thah hna.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

1 SIANGPAHRANG 18:19

Cucaah mi thlah hna law Israel mi vialte le Baal profet za li le sawm nga hna kha le Asherah profet za li Jezebel cabuai i rawl a eimi hna kha Karmel Tlang ah pum hna,” tiah a ti.

DEUTERONOMI 17:12

Bawipa nan Pathian hmai i rianṭuan awkah a dirmi tlangbawi siseh, biaceihtu siseh, an bia ngaih loin hramhram in a tuahtu cu a thih awk a si lai; cuticun Israel chungin ṭhat lonak cu nan thianh lai.

DEUTERONOMI 18:21

Cun nannih nih, ‘Zeitindah Bawipa nih a chim lomi bia cu kan hngalh khawh lai?’ nan ti ahcun —

DEUTERONOMI 18:22

profet pakhatkhat nih Bawipa min in bia a chim tikah cu bia cu a tlin lo le a dik lo ahcun, cu bia cu Bawipa nih a chim lomi bia cu a si; profet nih amah duh in a chimmi a si, amah cu nan ṭih awk a si lo.

JEREMIAH 23:30

Pakhat nih a dang pakhat sinin, cun a dang pakhat nih a dang pakhat nolh sinin, anmah hman awk cio ah ka bia a fir lengmangmi profet hna cu ka ralchanh hna, tiah Bawipa nih a ti.

JEREMIAH 26:11

Cun tlangbawi hna le profet hna nih cun bawi hna le mi vialte cu an thawh hna i, “Hi pa hi thih awk a tlak. Hi khua kha rawk seh, tiah a chim: nan hna in nan theih cio,” an ti.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

BIACEIHTU 2:15

Ral doh awkah an chuah fate Bawipa kut cu a chia lei in an caah a um, Bawipa nih ralrinnak a rak pek hna bang le an sinah chiat a rak ser bang khan; cucaah vansang au in an um.

1 SIANGPAHRANG 13:19

Cucaah amah sinah a kir i a inn chungah rawl a ei i ti a din.

ZEKHARIAH 13:2

Khi ni ah cun ram chung khan siasal min kha ka hloh hna lai i an ruat ti hna lai lo, tiah Bawipa nih a ti; profet hna le thlarau thianglo zong kha ram chung cun ka hloh hna lai.