DEUTERONOMI 18:18 - Lai (Hakha) Common Language Bible 2006

¹⁸ An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.

DEUTERONOMI 18:18 Խաչաձեւ Հղումներ

JOHAN 8:28

Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

DEUTERONOMI 18:15

“Nannih lakin, nan unau hna chungin, Bawipa nan Pathian nih nan caah profet pakhat keimah bantuk a chuahter lai i amah cu a bia nan ngaih lai,

JOHAN 4:25

Minu nih cun aa thawh i, “Khrih timi Messiah cu a ra lai ti kha kan hngalh. Amah a rat tikah zeizong vialte a kan chimh dih te ko lai,” tiah a ti.

LUKA 24:19

Cun anih nih, “Zei thil hen dah?” tiah a ti. “Nazareth khuami Jesuh cung i a tlungmi thil cu hen ta,” tiah an leh. “Hi pa cu profet a si i Pathian hmaiah mi vialte nih a chimmi le a tuahmi ah hmual ngeimi a si, tiah an ruah.

JOHAN 1:45

Filip nih cun Nathanael kha a va hmuh i, “Phungbia cauk chungah a kong Moses nih a ṭialmi pa, profet hna zong nih a kong an ṭialmi pa kha kan hmuh cang. Amah cu Josef fapa Jesuh, Nazareth khuami kha a si,” tiah a ti.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

ISAIAH 51:16

Van khi ka samh hna i vawlei hram cu ka bunh hna. Zion cu ka thawh i, ‘Nangmah cu ka mi na si! Keimah nih kan cawnpiak cang i ka kut in kan huhphenh,’ ka ti.”

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

1TIMOTE 2:5

Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,

JOHAN 17:18

Vawlei ah na ka thlah bantukin kei zong nih vawlei ah ka thlah ve hna.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

SALM 110:4

Bawipa nih a fekmi biakamnak a tuah i a let ṭhan lai lo, “Nang cu zungzal in tlangbawi na si lai, Melkhizedek tlangbawi a sining in na si lai,” a ti.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

HEBRU 7:22

Hi an i dannak nih hin Jesuh cu a ṭha deuhmi biakamnak a fehtertu ah khan a ser fawn.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

DEUTERONOMI 33:5

Cun, mi hna lu cu an i pumh tikah, Israel phun vialte hna cu hmunkhat ah, Bawipa cu Jeshurun chungah siangpahrang ah a cang.

NAMBAR 12:13

Cun Moses nih Bawipa cu a auh i, “Maw Pathian, amah cu damter ko, tiah kan nawl,” tiah a ti.

DEUTERONOMI 5:5

Bawipa bia kha nannih sin i thanh awkah Bawipa le nannih karlak i ka dir lioah khan; zeitintiah mei ruangah khan nan thin a phang i tlang cungah khan nan hung kal lo. Amah nih hitin a ti:

JOHAN 1:21

Cun annih nih cun, “Ahodah na si kun? Elijah tah na si maw?” tiah an hal. Johan nih cun, “Ka si lo,” tiah a leh hna. Annih nih, “Profet cu tah na si maw?” an ti. Anih nih, “Ka si lo,” tiah a ti hna.

JOHAN 1:25

“Nangmah cu Messiah zong na si lo, Elijah zong na si lo, profet zong cu na si fawn ṭung lo ahcun, zeicahdah tipilnak kha na pek len kun hna?” an ti.

JOHAN 12:48

Keimah kha a ka hlaw i ka bia a cohlang duh lomi cu a bia ceihtu ding a um ko. Ka chimmi ka bia hi ni hmanung bik ni ah cun a bia a ceihtu cu a si te lai.

LAMKALTU 3:22

Moses nih zeitindah a rak ti tiah, ‘Bawipa Pathian nih keimah a ka thlah bantuk hin, nan mi a simi profet pakhat kha aan thlah hna lai. Amah nih an chimhmi hna kha a dihlak in nan ngaih lai.

LAMKALTU 7:37

Israel mi sinah, ‘Pathian nih keimah a ka thlah bantukte hin profet pakhat an thlahhnawh te hna lai i amah cu nanmah chungmi a si lai,’ a ti, tiah a rak titu kha Moses cu a si.

EXODUS 4:12

Cucaah cun va kal ko; na holhnak ah kan bawmh lai i na chim ding kha kan chimh lai,” a ti.

EXODUS 4:15

Amah kha chim ding cu na chimh lai. Nan pahnih in chim awk kha kan bawmh hna lai i nan pahnih in nan tuah awk kha kan chimh hna lai.

DEUTERONOMI 34:10

Cun cu thawk in Israel mi chungah Bawipa nih hmaitonh in a hngalhmi profet Moses bantuk an chuak ti lo.

ISAIAH 51:4

“Ka mi hna ka bia ngai tuah u, ka chimmi hi ngai tuah u: Cu ka chimmi cu miphun hna kha ka cawnpiak hna i ka phunglam nih ceunak ah a phakpi hna lai, ti hi a si.

JEREMIAH 1:9

Khi tikah Bawipa nih a kut cu a hun samh i ka ka kha a tawngh; cun Bawipa nih cun a ka thawh i, “Zohhmanh, ka bia cu na ka chungah ka chiah cang hna.

AMOS 2:11

Nan fapa hna lakin profet ka chuahter hna i Nan tlangval hna lakin Nazir mi ka chuahter hna. Nannih Israel mi hna, cuticun a si taktak ko lo maw? tiah Bawipa nih a ti.

HOSEA 12:14

Israel mi nih Bawipa kha fak piin a thin an hunter; Annih cu an sualnak ruangah khan thihnak hmuh awk an tlak i Pathian nih a ngaithiam hna lai lo. Bawipa nih a cung i ningzahnak an tluntermi ruangah khan dan a tat hna lai.