DEUTERONOMI 18:13 - Lai (Hakha) Common Language Bible 2006

¹³ Bawipa nan Pathian hmaiah soi awk um lo nan si awk a si.

DEUTERONOMI 18:13 Խաչաձեւ Հղումներ

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

GENESIS 6:9

Noah tefa hna cu hihi an si: fapa pathum a ngeih hna, Shem, Ham le Jafeth an si. Noah cu miṭha a si i amah lawnglawng kha cu caan ah cun Pathian lung a tongmi a si; Pathian he i hawikomh in a nungmi a si.

FILIPI 3:12

Hi thil ah hin ka tlam a tling cang ti a si lo i ka tling cang ti zong a si fawn lo. Sihmanhsehlaw a ka ngeitu cu Khrih kha a si cang caah cu thil cu ka ta a si khawh nakhnga kaa zuam lengmang.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

JOB 1:8

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo,” tiah a ti.

JOB 1:1

Uz ram ah hin mipa pakhat a min Job a simi a rak um; cu pa cu soisel awk um lo, miding, Pathian a ṭih i ṭhat lonak kha a hrialmi a si.

BIAPHUAN 3:2

Cucaah cun i hlau law na ngeih rihmi kha a thih taktak hlanah thazang thar la tuah. Zeicahtiah na tuahmi thil kha Pathian mit hmuh ah a tlingmi an si rih lo ti kha ka hmuh.

FILIPI 3:15

Kannih thlarau lei in nutling patling a si cangmi hna nih cun, hitihin kan lungputning cu a si awk a si. Asinain ruahning phun dang a ngeimi nan um ahcun, Pathian nih cucu an fianterpiak ko hna lai.

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.

1 SIANGPAHRANG 8:61

Cucaah a nawlbia le a phungbia kha zul in, nihin i nan tuah bangin, Bawipa kan Pathian sinah nan lungthin cu a dih umnak in fehter ko u,” tiah a ti.