DEUTERONOMI 17:19 - Lai (Hakha) Common Language Bible 2006

^19-20 hi phungbia chung bia vialte hna le hi nawlbia hna ulhnak le tuahnak hin Bawipa a Pathian ṭih cu a thiam nakhnga le, a unau hna cungah a lung aa hlorh i nawlbia in kehlei ah siseh, orhlei ah siseh, a pial nakhnga lo le, Israel chungah amah le a fale hna nih amah a ram chungah hin saupi an uk nakhnga, amah sinah a chiah lai i a nun chung vialte a rel lai.

DEUTERONOMI 17:19 Խաչաձեւ Հղումներ

JOSHUA 1:8

Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.

SALM 1:2

An i lawmhnak cu Bawipa nawlbia tu ah khan a si i cu nawlbia cu chunzan in an ruat.

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

DEUTERONOMI 11:18

“Cucaah hi ka bia hna cu nan lung chung le nan ruahnak chungah nan khumh hna lai i, nan kut ah chingchiahnak caah nan khih hna lai i, nan mit le nan mit kar i hmelchunhnak caah an si lai.

DEUTERONOMI 4:10

Bawipa nan Pathian hmaiah Horeb ah nan dir ni ah khan Bawipa nih a ka chawnh i, ‘Mi cu ka sinah pum tuah hna, ka bia kha an theih i vawlei cung i an nunchung vialte keimah ṭih kha an hngalh i cu bantukin an fale zong an cawnpiak hna nakhnga,’ tiah a ka ti mi kha kan hngalhter hna.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

DEUTERONOMI 5:1

Cun Moses nih Israel mi vialte cu a kawh hna i, “Maw Israel, nihin ah nanmah theih ah ka chimmi nawlbia le phunglam hna hi thei tuah u law, cawng hna u law, ṭha tein ul hna u.

2 SIANGPAHRANG 22:10

Cun caṭialtu Shafan nih cun siangpahrang cu, “Tlangbawi Hilkiah nih cauk pakhat a ka pek,” tiah a ti. Cun Shafan nih Siangpahrang hmaiah cun a rel.