DEUTERONOMI 17:11 - Lai (Hakha) Common Language Bible 2006

¹¹ cawnpiaknak an in pek hna ning le biakhiahnak an in thanhmi hna ning tein nan tuah lai; annih nih an in thanhmi hna biakhiahnak khan orhlei ah siseh kehlei ah siseh nan pial lai lo.

DEUTERONOMI 17:11 Խաչաձեւ Հղումներ

JOSHUA 1:7

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

JUDAS 1:8

Atu kan caan i a ummi hna zong cu, cu bantuk cu an si ve. An mang nih khan anmah pum lila cungah a sualter hna; Pathian nawlbia kha zei ah rel loin a umter hna i vancungmi kha a serhsatter hna.

2 PETER 2:10

Cu hna cu an pumsa duhnak fihnung a zul i Pathian zei i a rel lomi kha an si khun. Hi cawnpiaktu hmaanlo hna hi an ral a ṭha i an i porhlaw; cunglei van i a ummi hna kha zei ah an rel hna lo; an serhsat lehlam hna.

TITAS 3:1

Bawi le nawl ngeitu pawl kha, an nawl nan ngaih hna lai i thil ṭha tuah kha nan i tim zungzal lai, tiah na mi pawl kha chim ṭhan hna.

PHUNGTHLÛKBIA 4:27

Orhlei ah siseh, kehlei ah siseh, pial hlah; Ṭhat lonak vialte kha hrial dih hna.

2 SAMUEL 14:19

Siangpahrang nih a thawh i, “Hi thil kong ah hin na sinah Joab kut aa tel maw?” tiah a ti. Cun minu nih cun a leh i, “Siangpahrang ka bawipa nangmah na nun hrimhrim bantukin, siangpahrang ka bawipa nih a chimmi thil zeihmanh hin aho hmanh kehlei ah siseh, orhlei ah siseh an i mer kho lai lo. A ka fialtu cu na sal Joab kha a si; hi bia vialte na salnu ka kaa chungah a ka khaihtu cu amah kha a si.

JOSHUA 23:6

Cucaah Moses phungbia cauk chungah aa ṭialmi vialte kha zulh awk le tuah awkah fek tein um ko u; orhlei ah siseh; kehlei ah siseh pialtak hlah u.

DEUTERONOMI 25:1

“Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek ahcun,

DEUTERONOMI 5:32

Cucaah Bawipa nan Pathian nih nawl an pek hna bangin ṭha tein nan tuah lai; orhlei ah siseh; kehlei ah siseh nan i mer lai lo.

LEVITIKAS 10:11

Israel mi hna kha Moses in Bawipa nih a chimmi nawlbia vialte kha nan cawnpiak hna lai,” tiah a ti.

DEUTERONOMI 17:10

Bawipa nih a thim laimi hmun in an in thanhmi hna ningin nannih nih nan tuah lai; cun an in fial hna ning tein ralring tein nan tuah lai;