DEUTERONOMI 16:20 - Lai (Hakha) Common Language Bible 2006

²⁰ Biading, biading lawnglawng cu nan zulh lai, nan nun i Bawipa nan Pathian nih an pekmi hna ram cu nan co nakhnga.

DEUTERONOMI 16:20 Խաչաձեւ Հղումներ

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

ROM 10:5

Moses nih Nawlbia zulhnak thawngin Pathian he remnak hmuhnak kong ah a chimmi cu hitihin a si: “Nawlbia nih tuah u a timi a tuahmi paoh cu, cu an tuahnak thawng cun an nung lai,” a ti.

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

EZEKIEL 18:9

Dinlonak kha a hrial i pakhat le pakhat karlak ah aa buaktlak tein a um. Ka nawlbia kha a zulh hna i ka phungbia kha fel tein a tuah hna. Cu bantuk mi cu miding an si: amah cu a nung lai, tiah Bawipa Pathian nih a ti.

EZEKIEL 18:5

“A dingmipa, a dingmi thil le a hmaanmi thil a tuahmipa kha ruat hmanh.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

DEUTERONOMI 16:21

“Bawipa nan Pathian biakṭheng nan ser laimi pawngah cun zei thing hmanh Asherah si awkah nan phun lai lo,

PHUNGTHLÛKBIA 11:19

Dinnak tuah awk aa rialchih pengmi cu a nung lai, sihmanhsehlaw dinlonak tuah aa sehchih pengmi cu a thi lai.